قفلت رنا وكلمت حلا عرفتها وبعد ربع ساعه دخلت اوضه امها تطمن عليها
رنا : سامي جاي دلوقتي وقولتله انك عايزه تتعرفي عليه , ماما ايه ده انتي نمتي
تقلق رنا وتخاف اكتر امها نومها خفيف ليه مصحتش تروح رنا عندها وتهزها
رنا : مااماا ردي علياا ماماا
بس مفيش رد تخاف رنا اكتر وتنهار في العياط ومتبقاش عارفه تعمل ايه وفي نفس الوقت تسمع رنا الباب بيخبط فتروح وهي علي اخرها ومنهاره تشوف مين فيطلع سامي
رنا بانهيار : ماما مبتردش ياسامي ماما مبتردش
سامي : اهدي بس هي فين
رنا : جوه مبتردش عليا
سامي : طب اهدي في دكتور صحبي ساكن قريب من هنا هكلمه يجي
وبعد ربع ساعه الباب بيخبط تجري رنا علي الباب تشوف لو الدكتور جيه فتلاقي قدامها حلا حلا تشوفها وهي منهاره فتسكت ومتبقاش فاهمه حاجه
رنا : حلا امي مبتردش
حلا : اهدي ياحبيبتي في ايه حصلها ايه
رنا : معرفش انا دخلت اشوفها لاقيتها مبتردش
حلا : طب اهدي ياحبيبتي هتكون كويس متخافيش , اطلبلك دكتور يجي
سامي : انا كلمت دكتور من ربع ساعه وهو جاي دلوقتي
حلا : طب كلمه تاني ياسامي شوف فين
سامي : تمام هشوفه
دخل سامي البلاكونه واتصل بالدكتور
سامي : ايه يادكتور انت فين
الدكتور : انا جاي اهو الطريق كان واقف شوية
سامي : طب قدامك قد ايه
الدكتور : 5 دقايق وهكون عندك
سامي : تمام سلام
طلع سامي لقي رنا منهاره وعماله تعيط
سامي : اهدي يارنا ان شاء الله تبقي كويسة متقلقيش
حلا : اهدي ياحبيبتي متقلقيش الدكتور جاي دلوقتي وهيطمنا عليها
بس بدون رد وعياط وخوف مستمر من رنا لحد صوت سماع الباب وتروح رنا تشوف الباب
سامي : اتفضل يادكتور
رنا : ماما مبتردش عليا يادكتورعماله اكلمها مبتردش
الدكتور: متقلقيش ان شاء الله هتبقي كويسة هي فين
رنا : في الاوضه دي
سامي : اتفضل يادكتور
ودخل الدكتور يشوفها وحاول يفوقها بس برضه مفيش امل واتضح ان لسه في نبض
الدكتور : لازم تنقلوها المستشفي بسرعه
رنا : ماما كويسة صح يادكتور
الدكتور : ادعيلها هي شكلها دخلت في غيبوبة سكر
اول مارنا تسمع تنهار اكتر وتقعد تعيط
الدكتور: لا استهدي بالله كده واهدي وان شاء الله تقوم بالسلامه
حلا : اهدي ياحبيبتي هتبقي كويسة متقلقيش
سامي : اطلب الاسعاف ياخدها يادكتور
الدكتور : لا اسعاف ايه هيتأخره اوي عقبال مايوصله
سامي : طب بسيطه انا معايه العربيه بره نشيلها وندخلها العربيه
ألدكتور : طب يلا تعاله شيل معايه
ودخل سامي والدكتور يشيله ام رنا يدخلوها العربيه
بعد 20 دقيقه يوصله لـ اقرب مستشفي المستشفي اللى شغال فيها الدكتور ويشيله ام رنا يدخله بيها المستشفي
الدكتور : عايزين نقاله هنا بسرعه
يجيب الممرضين نقاله يشيله ام رنا عليها ويدخلوها الغرفه يحطوها علي الاجهزه ويدخل الدكتور يشوف ام رنا
تقعد رنا علي جنب لوحدها تستني يروح سامي لحلا
سامي : حلا انا عارف ان مش وقته بس انتى بتحبي سعد
حلا : مش وقته ياسامي وبحبه اه زي ماانت بتحب رنا
سامي : انتي عارفه بقي
حلا : اه باين اوي ده نصيب في الاول والاخر وبما ان كل واحد طلع بيحب حد تاني خلاص
سامي : انتي مش مضايقه صح
حلا : لا اضايق ليه بس هو انت هتلاقي احلي من رنا
سامي : علي رايك والواد سعد برضه شكله بيحبك اوي ويستاهلك
حلا : اه بيحبني بس متقولش واد
سامي : مسكتي اوي انتي في الكلمه
ويقطع كلامهم خروج الدكتور ويروح الكل عند الدكتور يتطمنه
رنا : ماما هتبقي كويسة صح
الدكتور : هي في حاله غيبوبة دلوقتي انتى كل اللى عليكي دلوقتي تدعيلها تقوم منها بالسلامه
سامي : طب هي هتقوم امتي من الغيبوبة
الدكتور : الله اعلم ممكن اسبوع شهر لحد دلوقتي محدش عارف انتو ادعولها ان شاء الله تقوم بالسلامه
سامي : تمام شكرآ يادكتور
يمشي الدكتور وتقعد رنا في مكان علي جنب وتنهار في العياط
رنا : ماما هتبقي كويسة ياحلا صح
حلا تروحلها وتحضنها وتحاول تهديها
حلا : اه هتبقي كويس اهدي بقي ياحبيبتي احنا في مستشفي
سامي : ناس كتير بتكون في غيبوبة وتقوم منها باالسلامه متقلقيش ويلا بينا نروح
رنا : لا انا مش همشي من هنا غير اما امي تقوم ونروح مع بعض
حلا : ياحبيبتي مينفعش القعده هنا واحنا منعرفش هتقوم امتي يلا نروح دلوقتي ونبقي نيجي تاني نشوفها
رنا : مش همشي من غير مااما لا
سامي : خلاص ياحلا سيبيها دلوقتي شوية بعدين نمشي
حلا : مش هتمشي ياسامي هتفضل قاعده كده
سامي : سيبيها شوية بس
حلا : تمام
وبعد 45 دقيقه من الانتظار
الدكتور : تقدرو تروحه ولو في اى اخبار انا هتواصل مع استاذ سامي
سامي : تمام يادكتور , رنا
رنا : مش همشي
سامي : انا مقدر اللى انتى فيه بس قعدتنا هنا مالهاش لازمه دلوقتي محدش عارف هتصحي امتي انتي روحي بيتك دلوقتي وانا هتابع مع الدكتور لو في اى اخبار جديده هقولك
حلا : بيتها ايه رنا هتيجي معايه
سامي : طب يلا يارنا قومي وروحي مع حلا دلوقتي وبكره نبقي نروح نتطمن عليها تاني
حلا : يلا ياحبيبتي
تقوم رنا من غير كلام وتروح مع حلا
تدخل رنا مع حلا الفيلا
عبدالله : رنا نورتي يابنتي تعالي
متردش رنا وتسكت
حلا : معلش يابابا سيبها دلوقتي هي مضايقه شوية ام رنا في حاله غيبوبة
عبدالله : عشان كده مضايقه متخافيش ان شاء الله هتقوم بالسلامه انا ليا واحد صحبي كان في غيبوبة برضه وقام منها بخير متقلقيش
رنا : بجد قعد قد ايه
عبدالله : حوالي 9 يوم كده
رنا : يعني ماما هتقعد 9 يوم
عبدالله : الله اعلم انتى بقي متضايقيش وادعيلها تقوم بالسلامه
رنا : ان شاء الله
حلا : يلا ياحبيبتي ناكل انتى شكلك ماكلتيش حاجه
رنا : لا انا مش جعانه
عبدالله : لا مينفعش لازم تاكلي مش جعانه ايه
حلا : يلا يارنا
يروحه ياكله وبعد ربع ساعه رنا تخلص اكل وتطلب من حلا تروح تنام شوية عشان تعبانه فتطلع رنا الاوضه تنام
وتمر الايام علي رنا وكل يوم بيعدي في بعد امها اصعب من الاول وكان ده الوقت المناسب اللى سامي يقرب فيه من رنا فـ كان دايمآ جنبها وبيحاول يخليها احسن ويطمنها لحد اليوم مايعدي اليوم ال15
الساعه 3 العصر في بيت رنا تصحي علي مكالمه من سامي
رنا : الوو
سامي : ايه مش كفايه نوم ولا ايه
رنا : سبني ياسامي انام مش عايزه اصحي
سامي : غلط كده علي صحتك بقيتي تنامي كتير اوي
رنا : انا مرتاحه كده
سامي : تمام فرح كريم وليلي النهارده ولازم تروحي الرجل مأكد عليا لازم اجيبك معايه
رنا : لا مش عايزه اروح
سامي : مينفعش يزعل منك كده
رنا : اعتذرله بالنيابه عني ياسامي واقفل بعد اذنك عشان عايزه انام
سامي : طب استني قبل ماتقفلي في حد عايز يكلمك
رنا : حد مين مش عايزه اكلم حد
راح سامي فتح السماعه
ام رنا : مش عايزه تكلميني يابنتي
رنا : ماما انتى قومتي انتى كويسة يامااما
ام رنا : اه الحمدلله كويسة متقلقيش عليا
رنا : طب انا جايه
سامي : لا يارنا خليكي انا خلصت كل حاجه وهاخدها ونيجي بالعربيه المهم عايزك بقي تجهزي لفرح النهارده كده معندكيش حجج
رنا : مانا مش هينفع اسيب امي واروح
ام رنا : لا يارنا متقلقيش عليا انا بقيت كويسة ومتزعليش منك حد
رنا : حاضر ياماما
وقفلت رنا قامت من علي السرير وهي فرحانه ومستنيه امها تيجي
بعد ربع ساعه في عربيه سامي
سامي : بقولك ياطنط
ام رنا : اتفضل ياحبيبي
سامي : هي محصلتش قبل كده ان حد يطلب ايد حد في عربيه بس انا طالب منك ايد بنتك رنا
ام رنا : مش مهم المكان فين المهم الشخص نفسه وانا يابني مش هلاقي احسن منك لبنتي
سامي : ورنا هتبقي في عنيا انا والله بحبها ومحبتش زي رنا
ام رنا : من غير ماتحلف يابني مصدقاك
سامي : الله يباركلك ياامي تسمحيلي اقولك ياامي بقي
ام رنا : ياسلام ودي فيها استأذان اكيد طبعآ
سامي : تمام ياامي انا مش عايزك تعرفي رنا اى حاجه اما نروح عايز اعملها مفاجاه في الفرح واطلب ايدها بس تفتكري هتوافق عليا
ام رنا : توافق متوافقش ليه هي هتلاقي احسن منك
سامي : مش عارف اقول ايه والله انتى كسفتيني بكلامي
ام رنا : ولا اي حاجه يابني وبيني وبينك رنا شكلها كده بتحبك بس برضه انا معرفش لازم هي تقول
سامي : ياريت والله
ام رنا : انت سيبها علي ربنا يابني وان شاء الله خير
سامي : تمام احنا وصلنا نقفل الموضوع بقي عشان رنا
ام رنا : تمام
في نفس الوقت رنا تبقي واقفه في البلاكونه واول ماتشوفهم تجري علي الباب بسرعه وتفتحه وتصادف امها في وشها
اول ماتشوفها رنا تروح تحضنها وتعيط
ام رنا : بس ليه الدموع دي بس
رنا : خوفت تسيبيني متتخيليش الايام اللى فاتت دي كنت عايشه ازاي
سامي : كانت نايمه
تضحك رنا : بس يارخم ماكنت نايمه عشان مش قادره اعيش من غيرها
ام رنا : ياحبيبتي اعتبري نفسك اتجوزتي دلوقتي وفي بيتك انا مش هبقي موجوده
رنا : لا جواز ايه اللى يبعدني عنك مش عايزه اتجوز لا
سامي بصوت واطي : اه ياام رنا مش هتتجوز ايه قوليلها حاجه
ام رنا : بقيت ام رنا دلوقتي ياولا
رنا : ايه بتقوله ايه
ام رنا : لا ياحبيبتي مفيش وانتى لازم تتجوزي وتشوفي حياتك برضه مع الرجل المناسب ليكي
سامي : ايوه المناسب ده اللى بيحبك وبيقف جنبك ويساعدك
رنا : ان شاء الله
سامي : طيب انتى كده اتطمنتي علي مامتك وجت بالسلامه اهو مالكيش بقي اي اعذار انا هروح مشوار واجي كمان 3 ساعات كده واجي اخدك ونروح الفرح
رنا : تمام
سامي : عايزه حاجه ياامي
ام رنا : عايزه سلامتك يابني
ويمشي سامي
رنا : انتي امي انا بس ايه امي دي
ام رنا : ماهو ابني برضه انا حسيت ان ليا ابن
رنا : طب يلا ناكل انتى اكيد مفطرتيش
وقعدت رنا وحلا يفطرو وبعد نص ساعه خلصه اكل وقعدت رنا مع امها
ام رنا : رنا بقولك
رنا : ايه ياماما قوليلي
ام رنا : ايه رايك في سامي قوليلي بصراحه كده محبيتهوش
رنا : بصراحه ياماما انا مش هخبي عليكي انا حبيته اه بس شكله مبيحبنيش
ام رنا : ليه بتقولي كده
رنا : يعني مقاليش ان بيحبني حتى ولا اي حاجه لو بيحبني كان قال
ام رنا : مش ممكن مستني الفرصه ويقولك ويعرض عليكي الجواز
رنا : لا ياماما ازاي
ام رنا : يابنتي ممكن ليه لا
رنا : ماما هو قالك حاجه
ام رنا : حاجه ايه
رنا : متخبيش عليا قالك حاجه صح
ام رنا : وحتي لو قالي حاجه انا مش هقول انتى هتعرفي من نفسك
رنا : كده ياماما طب مااشي
ام رنا : اه ويلا الرجل فاضله ساعتين ونص ويجي شوفتي هتلبسي ايه
رنا : لا لسه
ام رنا : طب يلا روحي شوفي
رنا : حاضر
وبعد ساعتين و40 دقيقه يوصل سامي بعربيته عند باب بيت رنا يطلع من العربيه ويروح البيت يخبط وتفتحله رنا اول مايشوفها بالفستان
سامي : بسم الله ماشاء الله ايه الجمال ده
رنا : ايه !
سامي : شكلك جميل اوي بالفستان
تتكسف رنا وتبص للارض
رنا : شكرآ
سامي : طب ايه يلا
رنا : طب استني اسلم علي ماما
سامي : احنا مش مسافرين يارنا هنروح ونيجي
رنا : لا استني استني
وتروح رنا تجري عليها تحضنها
رنا : لو في اى حاجه اتصلي بيا وانا هسيب كل حاجه واجيلك
ام رنا : ماشي متقلقيش بقي ويلا الرجل واقف علي الباب
رنا : تمام ياماما باي
ام رنا : في رعايه الله ياحبيبتي خلي بالك منها ياسامي
سامي : حاضر ياامي متقلقيش
يطلع سامي ورنا بالعربيه ويروحه الفرح وبعد نص ساعه يوصله الفرح ويقعده لوحدهم
سامي : رنا خليكي هنا ثانيه وجاي
رنا : رايح فين انا معرفش حد
سامي : هشوف كريم مش رايح لحتي
رنا : ماشي
ويروح سامي يسلم علي كريم ويقوله في ودنه
سامي : الف مبروك ياعم كريم قعدت تقول مش هتخطب اهو انت سبقتني
كريم : هههه الله يبارك فيك ياخويا عقبالك انت ورنا ايه مش هنفرح بيكم قريب
سامي : هتفرح دلوقتي ان شاء الله انا رايح اطلب ايدها
كريم : بتهزر ولا ايه
سامي : لا بص حتي جايب الخاتم اهو
كريم : نقول مبروك بقي
سامي : ان شاء الله توافق بس
كريم : طب يلا مستني ايه روحلها قبل ماحد من الفرح يخطفها منك
سامي : طيب انا رايح اشوفها
كريم : روح ربنا معاك
ويسيب كريم ويروح يقعد مع رنا
سامي : ايه اتاخرت عليكي
رنا : لا
سامي : رنا بقولك ايه
رنا : قول ياسامي
وقام سامي من الكرسي وقعد علي ركبته
سامي : انا بحبك يارنا وبحبك من زمان وكنت مستني الفرصه اللى اجي اقولك فيها وانا مش هلاقي احسن منك ,
ويطلع من جيبه علبه فيها خاتم خطوبه
رنا تقوم مكانها
رنا : سامي انا مش عارفه اقول ايه
سامي : متقوليش حاجه عايزك تعرفي بس اني بحبك ومحبتش في الدنيا قدك
رنا : وانا بحبك
يطلع الخاتم من العلبه ويلبسها لرنا
يبص حواليه يلاقي الناس اللى واقفه بتصقف
....
وينتهي روايتنا بس قبل ما اقفل الروايه حابب اقول حاجه كلنا بنمر باول حب ومش دايمآ بيكون نهايته النجاح في بعض الاحيان بينتهي بالفشل وبيأثر علينا نفسيآ وبنبقي فاكرين ان مش هنحب تاني وان الشخص بيحب مره واحده بس بس بالعكس انت ممكن تلاقي حد تاني يحبك ويعوضك عن كل حاجه شوفتها في حياتك فخليك عارف ان مش شرط الحب الاول هو اللى يكمل معاك ..
.....
لمشاهده المزيد من قصص وروايات اضغط هنا
تحفه بجد تحفه عاااااااش علييك اجمل رائي ❤️❤️❤️❤️❤️❤️❤️❤️❤️❤️❤️👏👏👏👏👏👏
ردحذفجامدددد❤️❤️
ردحذف