كريم : قولي
سامي : انا شكلي كده حبيت رنا
كريم : حبيت مين ياخويا
سامي : رنا يابني
كريم : سامي انت بتهزر ولا ايه
سامي : ياعم مبهزرش في ايه
كريم : مبتهزرش ايه ياسامي وحلا انت مش قولتلي بتحبها وهتخطبها
سامي : معرفش والله ياكيمو بس اللى حسيته مع رنا مختلف خالص يعني انا في الاول اتشديت لحلا اه بس عشان جمالها بس مع الوقت مرتاحتش معاها ويابني مش انت اللي كنت عاوزني متقدمش
كريم : ماشي بس مش كده لا احنا محتاجين قعده بقي انت تخلص الشغل وتيجيلي الكافيه اللى بنقعد فيه نتكلم شوية ونشوف ناوي علي ايه
سامي : تمام هخلص واكلمك يلا سلام
كريم : سلام
في مكان تاني في بيت عبدالله
عبدالله : حلا عندي ليكي مفاجاه
حلا : مفاجاه ايه يابابا
عبدالله : تخيلي مين جاي يقعد معاكي النهارده
حلا : مين
عبدالله : رنا
حلا باستغراب : رنا
عبدالله : اه في حاجه ولا ايه
حلا : بابا انا مش هقدر اقابلها بعد اللى عملته معاها
عبدالله : هي نسيت كل حاجه وكلنا بنغلط انتي مش اول ولا اخر واحده تغلط يعني وعايزك تقفلي الموضوع ده انا كلمتها وهتجيلك الساعه 5
حلا : تمام يابابا بعد اذنك بس عشان عايزه اغير
عبدالله : تمام انا هطلع انا هروح اجيب شوية ورق من الشغل وجاي لو احتاجتي اى حاجه اتصلي بيا
حلا : حاضر
وطلع عبدالله نزل وراح شغله
في نفس الوقت في الشركه عند سامي
سامي : رنا هتروحي لحلا دلوقتي ولا ايه
رنا : اه هروح بس اعرف ماما واروح
سامي : تمام خلي بالك من نفسك ولو احتاجتي اى حاجه كلميني
رنا : الله يخليك ياارب مش محتاجه حاجه
سامي : تمام هروح انا مشوار لكريم كده عايزه حاجه
رنا : سلامتك
سامي : سلام
رنا : سلام
ويطلع سامي من الشركه يركب عربيته ووهو في الطريق يتصل بكريم يشوفه فين ..
كريم : الوو
سامي : انا طلعت من الشركه اهو وجاي انت فين
كريم : انا قدام الكافيه اهو قدامك كتير ولا ايه
سامي : طب اقفل انا داخل عليك اهو
كريم : تمام سلام
وقفل سامي وبعد 5 دقايق كان قدام المقهي دخل شاف كريم وسلم عليه
كريم : اقعد اقعد ياخويا
سامي : من اولها كده عايزك تسمعني وتقولي اعمل ايه لاني بقيت ملغبط واسمعني للاخر افهم الاول الكلام
كريم : تماام اتفضل
سامي : انا وحلا في كلامنا دايما ماكنتش بحس ان اتنين مرتبطين او بيحبه بعض كنت بحس ان احنا صحاب اكتر ودخول سعد في حياتنا خلاني احس اني ماليش مكان وصحيح سعد جالها المستشفي
كريم : جيه يعمل ايه ده وحصل ايه
سامي : جيه يشوفها لسه بيحبها ياعم تخيل وجيت لاقيته قاعد مع ابوها كمان ولولا الظروف اللى كنا فيها كان زماني مسكته ضربته
كريم : بس بس تضرب ايه بلاش مشاكل مش هيحل حاجه وقولي بس انت ناوي علي ايه وبالنسبه لرنا ايه النظام
سامي : رنا انا مش هشوف ولا هقابل زي رنا وجدعنه رنا انا محستش بالاحساس اللى حسيته معاها ده من ساعت اميره فاكر اميره ياسامي
كريم : ليه بس السيره دي دلوقتي الست اتجوزت وراحت لحالها بقي
سامي : يلا ربنا معاها مش موضوعنا دلوقتي المهم انا عايز اقرب لرنا اكتر وعايز انهي علاقتي بحلا
كريم : طب ودي هتعملها ازاى
سامي : معرفش والله ياكيمو
كريم : وانت مصعب الموضوع ليه مش سعد بيحبها
سامي : اه
كريم : بس انت خلي علاقتها بيه كويسة وانسحب انت
سامي : وده ازاى
كريم : قبل اى حاجه لازم تصلح علاقتك بيه وتبقو صحاب
سامي : تماام وبعدين
كريم : انا جايلك في الكلام اهو اصبر عليا, انت بقي اكيد في الفتره دي عرفت حلا بتحب ايه ومبتحبش ايه
سامي : مش بالظبط يعني بس يابني ده يعرفها قبلي يعني اكيد عارف بيحب ايه ومبتحبش ايه
كريم : يعرفها قبلك ايه ياعم سامي ماكنتش سابته عشانك
سامي : والله ياكيمو انا مبقتش فاهم حلا دي
كريم : هي فعلا غريبه
سامي : بقولك ايه سيبها بظروفها كده ونبقي نشوف هيحصل ايه
كريم : تمام طب ورنا هتقولها
سامي : مينفعش تعرف حاجه دلوقتي مستحيل توافق حتي لو بتحبني
كريم : فعلا عندك حق سيبها بظروفها بقي
سامي : انا بقول كده برضه
في مكان تاني في الشركه عند رنا
رنا : يا استاذ علي استاذ سامي كلمك
علي : اه يارنا تقدري تتفضلي دلوقتي
رنا : تمام شكرآ
ونزلت رنا ركبت عربيه وفي طريقها قررت تتصل بحلا تعرفها بس حلا مردتش فـ اتصلت بعبدالله
رنا : الو
عبدالله : ايه يارنا انتى فين
رنا : انا خلصت شغل اهو وهروح البيت اعرف ماما واجي
عبدالله : تمام يابنتي توصلي بالسلامه
رنا : هي حلا كويسة بكلمها مبتردش عليا
عبدالله : تلاقيها مسمعتش التليفون انتى قدامك كتير
رنا : لا هروح اعرف ماما واجي علي طول
عبدالله : تمام اول ماتجهزي رني عليا وهبعتلك عربيه
رنا : لا شكرا ياعمو مش عايزه اتعبك
عبدالله : تعب ايه بقي مفيش تعب ولا حاجه انتى زي بنتي وبلاش عمو دي احنا مش اتفقنا
رنا : اه اتفقنا
عبدالله : تمام يلا اسيبك انا بقي هستني منك مكالمه
رنا : حاضر عايز حاجه
عبدالله : الله يباركلك يابنتي
رنا : سلام
عبدالله : سلام
وبعد ربع ساعه توصل البيت , تخبط علي الباب ومتفتحش بس مفيش رد تقلق رنا وتطلع المفتاح وتفتح الباب وتجري علي جوه
رنا : ماما مااماا
تدخل الاوضه وكل مكان في البيت بس متلاقيش امها وفي نفس الوقت تلف وشها تلاقي امها علي الباب
رنا : ايه ياامي كنتى فين قلقتيني عليكي
ام رنا : مفيش ياحبيبتي نزلت اشتري حاجه
رنا : احنا مش اتفقنا ترتاحي ومتروحيش في حته
ام رنا : هعمل ايه يابنتي زهقت من قعده البيت
رنا : طب قوليلي انتى عامله ايه دلوقتي كلتي
ام رنا : اه ياحبيبتي دخلت المطبخ لاقيت الاكل جاهز انتى عملتي الاكل بدري ليه النهارده
رنا : اه ياماما اصل انا رايحه النهارده اشوف حلا عشان تعبانه شوية
ام رنا : تعبانه مالها
رنا : عملت حادثه ونفسيتها تعبت شوية
ام رنا : ياساتر يارب حدثه ايه ومقولتليش ليه
رنا : هي الحمدلله بقت كويسة دلوقتي انا هروحلها هقعد معاها كام يوم كده لحد ماتبقي كويسة
ام رنا : هتباتي هناك ؟
رنا : لا ياامي مقدرش اسيبك لوحدك انتى عارفه , انا هروح الصبح واجيلك علي بليل كده ومتقلقيش هقول لـ ابو حلا يوصلني
ام رنا : وليه يابنتي التعب ده خليكي وتعالي الصبح
رنا : ازاى واسيبك لا ياماما مينفعش انا هاجيلك بليل
ام رنا : تمام ياحبيبتي خلي بالك من نفسك
رنا : حاضر ياماما عايزك بس تاكلي كويس كده انا جايبه معايه اكل اهو لو جوعتي بليل ولو في اى حاجه بس كلميني
ام رنا : متحرمش منك ياحبيبتي
وتحضن رنا امها
رنا : ولا منك يااجمل ام في الدنيا , يلا هتصل انا بـ ابو حلا يجبلي عربيه
ام رنا : مينفعش يابنتي متتعبيش الرجل معانا
رنا : انا رفضت فعلا بس هو مرضاش وقالي لازم عربيه تيجي تاخدني واني زي بنته
ام رنا : والله فيه الخير الله يباركله
رنا : ياارب ويباركلك
واتصلت رنا بعبدالله
رنا : الوو
عبدالله : ايه يارنا جهزتي ابعتلك العربيه
رنا : اه ياعمو
عبدالله : عمو برضه نبقي نشوف موضوع عمو ده بعدين يلا اقفلي دلوقتي اكلملك السواق
رنا : حاضر يلا باي
وقفل كلم السواق وعرفه عنوان رنا وفي خلال 20 دقيقه وصل
رنا : يلا ياامي انا نازله عايزه حاجه
ام رنا : سلامتك ياحبيبتي كلي كويس وخلي بالك من نفسك وتقلي الجو برد
رنا : حاضر ياماما , يلا باي
ام رنا : سلام يابنتي في رعايه الله
ونزلت رنا للسواق وركبت العربيه وراحت للفيلا ووقف قدام الباب دقيقه
عبدالله : ادخلي يابنتي تعالي واقفه عندك ليه
رنا : ازاي حضرتك عامل ايه
عبدالله : حضرتي كويس الحمدلله
رنا : هي حلا فين
عبدالله : حلا فوق اطلعيلها , فاااطمه ياافاطمه
فاطمه : نعم يابيه
عبدالله : وصلي رنا لحلا فوق
فاطمه : حاضر
وطلعو فوق واول ماحلا شافت رنا
حلا : ......
نستكمل في البارت 18
💙💙💙💙💙💙👏
ردحذف