كريم : تمام هستأذن انا بقي لو احتاجتي اى حاجه يارنا ابقي قوليلي
رنا : تسلم ياكريم والله انت خلتني احس ان ليا اخ فعلا
كريم : علي ايه بس يااختي يلا ربنا يوفقك في شغلك الجديد
رنا بابتسامه : ان شاء الله
ومشي كريم وراح لمكتب سامي من غير ماتاخد بالها
كريم : بتعمل ايه
سامي : ايه يابني حد يدخل كده في ايه
كريم : ايه ده انت بتتخض ياسامي
سامي : لا ولا بتخض ولا حاجه قولي بس عملت ايه
كريم : رنا بره مع استاذ علي
سامي : طب يابني مش تقول اقفل الباب وتعاله
كريم : تمام اتقفل اهو قولي بقي هتعمل ايه هتقولها دلوقتي
سامي : لا مش دلوقتي دي لسه بتشوف الشغل
كريم : تمام هتعرفها امتي
سامي : هبقي اعرفها في الوقت المناسب متقلقش , المهم بقولك ايه
كريم : ايه
سامي : هروح اتقدم لحلا يوم السبت وعاوزك تيجي معايه
كريم : تتقدم بعد اللى عرفتهولك وعرفت مين سعد ده ؟
سامي : في فتره الخطوبه هيبان كل حاجه ياكيمو وبالنسبه لسعد ده فـ اللى عرفته ان هو كان مرتبط بيها وسابو بعض
كريم : متاكد ان سابو بعض ياسامي
سامي : والله ياكيمو كله هيبان كل حاجه في وقتها
كريم : انا مش عارف اقولك ايه ياسامي بس انا مش متطمن
سامي : متقلقش ياض اخوك ميضحكش عليه
كريم : اكيد ياخويا
سامي : هاا هتيجي معايه ولا ايه
كريم : اكيد طبعا دي فيها كلام انت اخويا
سامي : حبيبي ياكيمو
كريم : يلا همشي انا بقي عاوز حاجه
سامي : تسلم ياخويا سلام
كريم : سلام
في مكان تاني في الشركه اللى شغاله فيها حلا
حلا : احمد بقولك ايه هو كريم فين
احمد : كريم مجاش النهارده في حاجه ولا ايه
حلا : لا بس بسئل
احمد : تمام انتى عامله ايه اخبارك كده
حلا : تمام الحمدلله انت عامل ايه ومراتك عامله ايه
احمد : الحمدلله كويسة قوليلي انتي ايه الاخبار مش هنفرح بيكي انتي وسامي قريب
حلا : ان شاء الله قريب وهعزمكم كلكم
احمد : انتي بس عرفينا واجيب غاده ونيجي
حلا : تمام يلا هشوف انا استاذ محمود عشان عاوزني
احمد : تمام
وتروح حلا لمكتب استاذ محمود وتخبط
محمود : ادخلي ياحلا
حلا : انت طلبتني يافندم
محمود : اه اقعدي اقعدي وبلاش فندم دي قوليلي يابابا انا في دور بابا برضه ولا ايه
حلا في سرها : بابا اه ما انت لو ماكنتش مدير الشركه كان زماني قولتلك كلمه حلوه
محمود : حلا انتى معايه
حلا : اه معاك معاك
محمود : اكيد استاذ عبدالله قالك ان هنيجي انا وحسن عندكم بكره
حلا : اه قالي
محمود : وانا عارف ان علاقتك انتي وحسن مش قد كده بس حسن لسه بيحبك وشاريكي
حلا : يا استاذ محمود ماانت عارف ان علاقتي انا وحسن انتهت من زمان ومستحيل نرجع لبعض تاني
محمود : لا لا ياحلا مينفعش كده استاذ وفندم مش اتفقنا بقي قوليلي بابا ويابنتي اديله فرصه حسن اتغير
حلا : مش هينفع لاني بحب واحد تاني
محمود : بتحبي واحد تاني
حلا : اه هو بابا مقالكش ولا ايه
محمود : لا مقاليش حاجه
حلا : عشان كده بقي بقولك ان مستحيل نرجع لبعض تاني
محمود : اه يعني منجيش بقي
حلا : لا طبعا انت تشرفنا بس بلاش تجيب حسن معاك يعني انت شايف خلاص الموضوع اتقفل
محمود بعصبيه : اتقفل اه طب روحي دلوقتي على مكتبك
حلا : تمام يافندم
ومشيت حلا من هنا وهو متعصب ومش شايف قدامه يتصل بعبدالله
عبدالله : السلام عليكم
محمود بعصبيه : صحيح الكلام اللى بتقوله بنتك ده
عبدالله : كلام ايه مالك في ايه متعصب كده ورد السلام بقولك السلام عليكم
محمود بعصبيه : بقي انت بتضحك عليا وبنتك بتحب واحد تاني بتشتغلوني
عبدالله بعصبيه : انت هتنسي نفسك ولا ايه اصحي وشوف بتكلم مين انا لولا وقفتي جنبك كان زمان شركتك دي وقعت انت من غيري ولا حاجه ولو علي موضوع حلا انا عرفت متاخر
محمود : عرفت متاخر ده كلام يعني منظري ايه دلوقتي
عبدالله : منظرك مش منظرك ميهمنيش وبعد كده وقت ماتتكلم تتكلم باسلوب عدل بدل ماانت عارف انا ممكن اعمل فيك ايه
وقفل عبدالله السكه في وشه
محمود بعصبيه : انا يتقفل في وشي ويتعمل فياا كده تماام تمام هتشوف انا هعمل ايه انا محمود العدلي يتقفل السكه في وشي
ودخلت عليه السكرتيره بتاعته نهي
نهي : مالك يافندم في حاجه ولا ايه
محمود بعصبيه : تروحي بسرعه تطلبيلي حلا تيجي هنا ده اخر يوم شغل ليها النهارده
نهي : ليه بس يافندم في ايه
محمود بعصبيه : انتى سمعتي انا بقولك ايه وكلمه تانيه هتحصليها
نهي بخوف : تمام يافندم
وطلعت نهي لـ حلا تشوفها
نهي : استاذه حلا الاستاذ محمود عاوزك تجيله المكتب ومتعصب اوى
حلا : تمام هشوفه
وراحت حلا تشوفه واول ماشافها انفجر فيها
محمود بعصبيه : ده اخر يوم ليكي هنا مش عاوز اشوف وشك تاني ولا وش ابوكي
حلا بعصبيه : انت بتطردني وازاى بتكلمني كده انت ناسي انت كنت ايه وبقيت ايه انا لولا بابا كان زمان شركتك دي فلست وماكنش حد عرف بشركتك دي
محمود بعصبيه : امشي اطلعي برا لـ اطلبلك الامن ياخدك يرميكي بره
حلا بعصبيه : ياعم غور دي اصلا شركه اولع بيها انا ماشيه
ومشيت حلا طلعت بره الشركه وهي مطروده وشكلها وحش قدام الناس بقت هتنهار وماسكه نفسها مش عاوزه تبين لحد ان هي ضعيفه ورركبت بعربيته ومشيت بسرعه بالعربيه وهي مش شايفه قدامها وفجااه يجي كشاف في وش عربيتها وتخبط في عربيه تكسر عربيتها ويغمي عليها حلا يتلم الناس من كل حته وياخدوها على المستشفي بسرعه واول ماتوصل المستشفي يشوفه تليفونها يشوفه اى حد من قرايبها يجي يشوفه وفعلا يتصلو بيها
الممرضه : الوو حضرتك تعرف بنت اسمها حلا
عبدالله : اه دي بنتي مين معايه وبتعملي ايه بتليفون بنتي
الممرضه : انا اسف لحضرتك يافندم بس بنتك عملت حدثه وهي في المستشفي دلوقتي
قام عبدالله من مكانه وهو مرعوب على بنته ومش مصدق اللى بيتقاله
عبدالله : بنتي في مستشفي مستفي ايه
الممرضه : في مستشفي القاهره
عبدالله : تمام انا جاي حالا
وقفل بسرعه وهو على اعصابه وقام جري لبس وراح المستشفي دخل المستشفي وهو بكامل عصبيته وخوفه علي حلا بنته الوحيده
عبدالله : حلا حلا بنتي فين
الممرضه : بنتك مين يافندم
عبدالله بعصبيه : بنتي حلا اللى جت النهارده
الممرضه : اهدي يافندم هي في الغرفه 306
وجري عبدالله للغرفه يادكتور
عبدالله : يادكتور بنتي فين بنتي كويسة
الدكتور : هي في غرفه العمليات دلوقتي ادعيلها
ومشي الدكتور وعبدالله فضل مستني بره وعمال يدعيلها وعلى اعصابه خايف علي بنته ياتري هتقوم وتبقي كويسه ولا مش هيشوفها تاني فضل مستنيها لحد ماالدكتور جاله قام من مكانه وراح للدكتور بسرعه
الدكتور : متقلقش هي عدت مرحله الخطر
عبدالله : طب انا ينفع اشوفها يادكتور
الدكتور : لا مش هينفع خالص
عبدالله : انا مش هرتاح غير اما اشوفها بعيني
ألدكتور : طب هي ربع ساعه بس وياريت متضغطش عليها في الكلام دخليه
ألممرضه : تمام يادكتور
ويدخل عبدالله يشوف حلا بنته يلاقيه نايمه علي السرير ومغمضه عينها فيروح ويقعد جنبها ويكلمها
عبدالله : ......
نستكمل في البارت 15
استمر♥️♥️♥️👏🌼
ردحذف