حلا : لا محدش يقدر يضايقني
رنا : تمام ياحبيبتي لو وجودي هيضايقك ممكن مجيش
حلا : ماقولتلك محدش يقدر يضايقني خلاص هنتقابل كلنا الساعه 9 بليل اجهزي وهعدي بعربيتي ونروح
رنا : تمام
بعد 6 ساعات في بيت رنا
رنا : ماما انتى كلتي
ام رنا : اه الحمدلله , انتى رايحه فين
رنا : حلا خارجه وعاوزاني اخرج معاهاا
ام رنا : تمام ياحبيبتي خلي بالك من نفسك ومتتاخريش
رنا : حاضر ياماما عاوزه حاجه
ام رنا : عاوزه سلامتك
رنا : سلام ياحبيبتي
ام رنا : سلام
ونزلت تحت رنا مستنيه حلا بقالها ربع ساعه في الشارع بس برضه متجيش فتقرر تتصل بيها
حلا : الوو
رنا : ايه ياحلا انتى فين
حلا : جايه اهو اقفلي
رنا : تمام باي
حلا : باي
وبعد 5 دقايق توصل حلا وتاخدها ويركبه العربيه ويمشو واول مايوصله المكان يكون في انتظارهم كريم وسامي
سامي : اتفضلو , ايه الاخبار يارنا عامله ايه
حلا اول ماتسمعه تتغاظ وتبقي عاوزه تولع فيه هو ورنا
رنا : الحمدلله كويسة
سامي : ومامتك عامله ايه
رنا : الحمدلله بقت كويسة
سامي : وانتي ياحلا عامله ايه
حلا في سرها : ياسبحان الله وعرفت امها كمان
سامي : حلا انتى معايه
حلا : انا بخير طول ماانت بخير ياقلبي
كريم : لا مش وقته الكلام ده هنا في ناس سناجل معاكم
سامي : والله اول مره اسمع كلمه قلبي دي
كريم : اه واضح واضح
حلا : بس قولي ياسامي هو انت عارف ام رنا
سامي : مش بالظبط بس كريم قالي ان كانت في المستشفي فكان لازم برضه نتطمن على بعض بما ان صحاب ولا ايه ياكريم
كريم : اه اكيد طبعا دي الاصول برضه
رنا : الله يخليك يارب شكرا لسؤالك هي الحمدلله بقت كويسة
سامي : ربنا يديها طوله العمر
رنا : ياارب
حلا بدلع : خلاص بقي ياقلبي هي كويسة نتكلم احنا بقي شوية
كريم : الظاهر يارنا ان احنا مش موجودين خالص
ضحكت رنا بدون اى كلام
حلا في سرها : اضحكي اضحكي هتشوفي هعمل فيكي ايه
سامي : ياا كيمو ماانت اللى مش حابب فكره الارتباط ولا عاوز ترتبط
كريم : عاوزني ارتبط بواحده تقولي رايح فين وجاي منين
سامي : ايه ده هي هتحكم عليك ولا ايه
حلا : ايه ده هو عشان خايفه عليه يبقي بتحكم عليه
سامي : لا بس يعني لازم يكون في ثقه
حلا : طب مش هتطلبولنا حاجه
سامي : اكيد طبعا , لو سمحت
الجرسون : اتفضل يافندم
سامي : تاكلو ايه
كريم : انا نفسي في سمك ايه رايكم نجيب تشكيله اسماك
سامي : ايه رايكم يابنات انا كمان نفسي في سمك
حلا : اللى يحبه قلبي انا احبه
كريم يخبط في كتف سامي ويقوله بصوت واطي
كريم : ايه ياعم في ايه اهدو شوية احنا معاكم حتي
سامي بصوت واطي : والله انا مستغرب اول مره تقول كلمه حلوه اصلا
كريم : خلاص انا فهمت ,طب وانتى يارنا مردتيش هتاكلي سمك معانا ولا ايه
رنا : لا انا مينفعش اكل سمك القعده كده هتطول وماما هتقلق عليا
سامي : لا مينفعش لازم تاكلي معانا واحنا مش هنتاخر وروحي مع حلا او ممكن انا اوصلك
حلا : توصلها ؟
سامي : بما ان كلنا صحاب يعني
حلا : وانت تعرف بيتها اصلا
سامي : ماناا وصلتها قبل كده
حلا : انا هقوم ادخل الحمام
وقامت حلا
كريم بصوت واطي : اهدي البنت هتولع
سامي : زودتها ولا ايه
كريم : شوية وتضربكم انتو الاتنين
رنا : هي اضايقت بسببي
كريم : لا متقلقيش ده بسبب سامي
وجت حلا وهي متعصبه وعلى اخرها بس بتحاول تهدي نفسها
سامي : حلا اضايقتي مني
حلا : لا اضايق ليه بس
سامي : افتكرتك غيرتي
حلا : لا انا مبغيرش
كريم : والاكل جيه
والاكل بيتحط حلا توقع شوربه السي فود علي رجل رنا , قامت رنا فجاه وقعدت تصرخ وراحت للحمام
حلا : رنا مقصدش متزعليش , هروح اشوفها ياجماعه واجي
وقامت حلا تشوف رنا
كريم : مش بقولك اهي حرقت البنت
سامي : ربنا يستر
وبعد 10 دقايق من الانتظار طلعت حلا لوحدها
كريم : رنا فين ياحلا
سامي : هي كويسة
حلا : اه كويسة قلقانين عليها ليه هي كويسة ومشيت شكلها مش حابه تقعد معانا
كريم في سره : مش حابه ايه بعد ماحرقتيها الله يكون في عونك ياسامي
سامي : طب يلا مش محتاجين عزومه اكيد
كريم : لا انا تمام اوي كده همشي انا بقي
سامي : يابني خليك مااحنا قاعدين
كريم : لا خليني ايه ياعم لحلا تحرقني
حلا : على فكره مقصدش يعني
سامي : معلش ياحلا انتى عارفه كريم بيحب يهزر
كريم : يلا استأذن انا بقي
حلا بصوت واطي : في داهيه
كريم : بتقولي ايه ياحلا
حلا : انا اتكلمت
سامي : ايه ياكيمو غيرت رايك ولا ايه
كريم : لا انا ماشي اهو سلام
سامي : سلام
حلا : اخيرا بقينا لوحدنا
سامي : ايه ياحلا انتى كنتي عاوزاهم يمشو ولا ايه
حلا : لا ياحبيبي مش بالظبط بس عشان نتكلم مع بعض شوية
سامي : بس ايه ده حبيبي وقلبي لا احنا اتغييرنا خالص اهو
حلا : انا على طول بقول كلام حلو بس انت اللى مبتركزش
سامي : تمام تمام قوليلي سبتك بما فيه الكفايه تفكري
حلا : في ايه
سامي : خطوبتنا
حلا : موافقه وعلى فكره انا كلمت بابا عليك
سامي : طب حلو اوي هاتي رقمه وانا بكره اكلمه
حلا : اهو اول رقم في الفون
ويبص سامي على تليفونها يلاقي رقم باسم سعد
سامي : مين سعد ده ياحلا
حلا بصدمه : سعد ؟
سامي : اه مالك اتصدممتي ليه
حلا : لا مفيش ده بحب رنا وكان هو وهي متخانقين فـ كنت بحاول ارجعهم لبعض
سامي : لا جدعه بس خلاص بقي انا هبقي خطيبك ياريت ميتصلش هنا تاني وعلى فكره انا بغير اوي
حلا : ماهو خلاص مبقاش يتصل
سامي : تمام
وتليفون حلا يرن
حلا : بابا بيرن انا لازم امشي
سامي : طب اجي اوصلك
حلا : لا مينفعش خالص اخر مره شافك وانت بتوصلني اتخانق معايه
سامي : طب خلي بالك من نفسك
حلا : تمام باي
سامي : باي
وطلعت حلا من المطعم واول ماركبت عربيتها ردت على ابوها
حلا : الوو
عبدالله بعصبيه : ايه ياحلا انتى فين كل ده ومبترديش ليه
حلا : معلش يابابا الطريق زحمه شوية ومسمعتش التليفون
عبدالله : تمام انتى قدامك كتير
حلا : لا انا كلها نص ساعه واوصل
عبدالله : تمام ياحبيبتي خلي بالك من نفسك
حلا : تمام يابابا باي
عبدالله : سلام
في مكان تاني عند رنا وقاعده في اوضتها بتعيط من الحروق
ام رنا : رنا ياحبيبتي مالك في ايه
رنا : مفيش ياامي وقع على رجلي الشوربة وهي سخنه
ام رنا : طب تعالي نكشف على رجلك
رنا : متقلقيش يامااما انا حطيت كريم وبقت احسن اهو
ام رنا : سلامتك ياحبيبتي من كل شر انا مش عارف الايام دي في ايه
رنا : ان شاء الله خير ياامي نامي انتى ومتقلقيش
ونامت ام رنا وفضلت رنا سهرانه بتتوجع لحد مانامت على نفسها
يعدي تاني يوم في الشركه اللى شغال فيها كريم وحلا
كريم : حلا هي رنا ماجتش النهارده
حلا : لا ماجتش شكلها مشغوله في حاجه
كريم : طب اتصلتي اتطمنتي عليها
حلا : اه متقلقش
كريم : تمام
في مكان تاني عند سامي في شركته
ويقرر سامي زي كل مره يكلم كريم ويحكيله اللى حصل فيتصل عليه
سامي : الوو
كريم : ايه ياخويا جيت في وقتك
سامي : انا اللى عاوز احكيلك على موضوع مهم اوي
كريم : احكيلي
سامي : حلا وافقت وكلمت باباها عني
كريم : الف مبرووك ياعم اخيرا هنفرح بيك
سامي : الله يبارك فيك ياخويا قولي بقي موضوع ايه اللى عاوز تقوله
كريم : رنا ماجتش الشغل النهارده
سامي : ممكن مشغوله بحاجه في حاجه
كريم : انت نسيت اللى حصل امبارح دي حلا حرقتها
سامي : اه فعلا ربنا يستر على البنت
كريم : عاوزين نتطمن كده عليها نشوفها
سامي : تمام انا ممكن اتصل بيها بس انت معاك رقمها
كريم :اه معايه بس هي مبتكلمش حد على التليفون
سامي : هاته بس
كريم : تمام خد الرقم اهو
وخد منه الرقم وقفل معاه وقرر بعد تفكير يتصل برنا
رنا : ...
نستكمل في البارت 10
للمزيد من قصص وروايات اضغط هنا
تعليقات
إرسال تعليق