سامي : ممكن مشغوله بحاجه في حاجه
كريم : انت نسيت اللى حصل امبارح دي حلا حرقتها
سامي : اه فعلا ربنا يستر على البنت
كريم : عاوزين نتطمن كده عليها نشوفها
سامي : تمام انا ممكن اتصل بيها بس انت معاك رقمها
كريم : بس هي مبتكلمش حد على التليفون
سامي : هاته بس
كريم : تمام خد الرقم اهو
وخد منه الرقم وقفل معاه وقرر بعد تفكير يتصل برنا
سامي : الوو
رنا : ايوه مين
سامي : انا سامي
رنا : ايه ياسامي في حاجه
سامي : لا مفيش انا عرفت من كريم ان مروحتيش الشغل النهارده فـ قولت اتطمن عليكي واعتذرلك بالنيابه عن اللى حصل امبارح من حلا
رنا : لا مفيش اى حاجه وانا كويسة شكرآ لسؤالك
سامي : طب مروحتيش الشغل ليه
رنا : كنت مشغوله بكام حاجه واتصلت اعتذرت واسفه لحضرتك يااستاذ سامي لازم اقفل معاك دلوقتي لان مبكلمش شباب على التليفون انا عارفه ان صحاب وكل حاجه بس يعتبر مفيش اى حاجه بينا واتصالك بيا هيضايق حلا مني
سامي : لا عادي يعني مفهاش حاجه وانتى بتقعدي مع الشله وتخرجه يعني جت على المكالمه بتاعتي واانا اصلا واخد رقمك من كريم
رنا : انا مبروحش غير لو حلا معايه وحضرتك شوفت طريقتي بتكون عامله ازاى وبالنسبه لكريم فـ انا معرفش جاب رقمي ازاى وشكرآ على اسلوبك
سامي : ايه اللى انا قولته ده متزعليش مني يارنا انا مقصدش
رنا : تمام ياسامي محتاج اى حاجه تاني
سامي : سلامتك متضايقيش مني بس
رنا : تمام مفيش حاجه سلام
سامي : سلام
وقفل سامي مضايق وحس ان ضايقها بكلامه
سامي بندم : ماكنش ينفع اقولها كده
فى مكان تانى في بيت رنا
ام رنا : يارنا
رنا : ايوه ياماما
وطلعت رنا تشوف مامتها
ام رنا : مالك يا حبيبتي انتى كنتي بتعيطي ولا ايه مال عينك
رنا : مفيش حاجه دي حاجه دخلت في عيني
ام رنا : تمام تعالي كده عاوزه اخد رايك في حاجه
رنا : حاجه ايه
ام رنا : بصي كده صورة الرجل ده
رنا : مين ده
ام رنا :الرجل ده جيه كلمني النهارده و طالب ايدك
رنا : ماانتي عارفه ياماما ان مش عاوزه اتجوز
ام رنا : ليه بس ده رجل محترم ودكتور قد الدنيا
رنا : وانتى يا ماما اما اتجوز هتروحي فين ومين هيخلي باله منك انا مش هسيبك
ام رنا : انا ياحبيبتي خلاص اانا رجلي والقبر
رنا : بعد الشر عليكي متقوليش كده ربنا يخليكي ليا ويديكي طوله العمر
ام رنا : طب اقوله ايه دلوقتي الرجل ميترفضش
رنا : خلاص انا هكلمه
ام رنا : هتكلميه ازاى
رنا : هو شغال فين
ام رنا : في مستشفي كبيره في القاهره اسمه الدكتور مصطفي ابراهيم
رنا : تمام بكره بعد مااجي من الشغل هعدي عليه , قوليلي بقي انتى فطرتي
ام رنا : كلت حاجه بسيطه عقبال ماتعملي الاكل
رنا : معلش يااماما انا نسيت خالص ربع ساعه ويكون الفطار جاهز
ام رنا : تمام
وراحت رنا المطبخ وجهزت الفطار وكلت هي ومامتها
اليوم التالي في فيلا سامي
عم اشرف : اصحي يابني اتاخرت علي الشغل
سامي : لا يا عم اشرف انا مش رايح النهارده تعبان شوية
عم اشرف : سلامتك يابني اجيبلك دكتور
سامي : لا مش مستاهله هو شوية برد انا هنام شوية واصحي اروح اكشف
عم اشرف : تاكل طب قبل ماتنام انا مجهز الفطار
سامي : لا تسلم ياعم اشرف روح كل انت هنام شوية واقوم اكل
عم اشرف : تمام يابني
وبعد 5 ساعات يصحي سامي وينزل تحت
عم اشرف : صباح الخير
سامي : صباح النور
عم اشرف : نمت انت كتير
سامي : اه فعلا التعب خلاني محسش بنفسي
عم اشرف : طب تعاله يلا نفطر الاكل جاهز
وقعدو ياكله وبعد ساعتين لبس وقام يروح للدكتور اللى بيروحله على طول اما يتعب الدكتور مصطفي ابراهيم
اه هو نفس الدكتور اللى اتقدم لرنا
في مكان تاني عند رنا في العربيه في طريقها
رنا : ايوه المستشفي دي شكرا
وتنزل رنا من العربيه في نفس الوقت في نفس المكان ينزل سامي من عربيته ويطلع يشوف الدكتور
يطلع سامي ويجيله تليفون من الشركه
سامي : الوو
علي : استاذ سامي مجتش ليه الشغل كان في ورق مهم عاوز اعرضه عليك
سامي : تعبت شوية ومقدرتش اجي وفي المستشفي دلوقتي
علي : الف سلامه مالك في ايه
سامي : مفيش شوية برد بس ياعلي
وفي نفس الوقت سامي ماشي وهو مش واخد باله يخبط في بنت وللمره التانيه يبص ويسيب التليفون
سامي : رنا
رنا تشوفه وتسكت وتبقي مضايقه منه من ساعت اخر مره والكلام اللى قاله
سامي : شكلك لسه مضايقه مني
علي : استاذ سامي حضرتك معايه , استاذ سامي
سامي : انا نسيت التليفون ثانيه كده بس , اقفل ياعلي دلوقتي عشان داخل اكشف وشكرا على سؤالك
علي : العفو يافندم محتاج اى حاجه
سامي : تسلم ياعلي سلام
علي : سلام
سامي : انا اسف جدآ على طريقه كلامي انا ماكنتش اقصد اضايقك
رنا : لا مفيش حاجه ولا يهمك
سامي : ولا يهمك وصاحي تعبان شكلك دعيتي عليا
رنا : لا والله ابدا انا مش بشيل
سامي : عارف انا بنكشك طب ايه مفيش الف سلامه ولا سلامتك حتي
رنا : لا ااكيد سلامتك مالك
سامي : شوية برد بس قوليلي انتى بتعملي ايه هنا
رنا : هو موضوع يطول شرحه بصراحه
سامي : احنا ورانا حاجه احكيلي احكيلي
رنا : طب مش هتكشف
سامي : انا رايح لدكتور مصطفي ابراهيم وشايف ان هستني شوية عقبال مايجي دوري نكون اتكلمنا شوية
رنا : انا برضه كنت رايحه بس مش عشان اكشف
سامي : عشان ايه بقي
رنا : هو متقدملي وانا مش عاوزه اتجوز دلوقتي عشان مش عاوز اسيب ماما هي لوحدها وانا اللى بخلي بالي منها وهي معرفتش تقوله ايه فـ قولت اقابله
سامي : طب وسعد
رنا : سعد مين
سامي : انتى مش كنتي مرتبطه بواحد اسمه سعد
رنا : لا انا معرفش حد بالاسم ده
سامي : طب تماام
رنا : بس كده فـ هدخل بقي افهمه
سامي : طب وهتقوليله ايه ولو طلع معندوش مانع ان مامتك تعيش معاكم هتعملي ايه
رنا : معرفش انا مش جاهزه لـ اى ارتباطات مش عاوزه حاجه دلوقتي
سامي : طب انا عندي فكره حلوه
رنا : فكره ايه
سامي : ايه رايك تقوليله ان احنا بنحب بعض وهخطفك فعشان كده رفضتيه
رنا : لا ازاى مينفعش اكيد
سامي : ليه بس ده الحل الوحيد
رنا : معرفش بقي بس مينفعش لا
سامي : طب بقولك ايه هكلمهولك انا ادخلي معايه ونفهمه
رنا : لا ازاى انت بتهزر لا مينفعش
سامي : انا غلطان يعني
رنا : لا اكيد بس انا هتكسف مش هعرف اتكلم
سامي : انا هكلمه تعالي بس انا دوري جيه هكشف واقوله
رنا : تمام
ودخل رنا وسامي للدكتور واول ماشافها داخله معاه
مصطفي : اتفضل استاذ سامي
سامي : يزيد فضلك , تعالي يارنا هتفضلي على الباب
مصطفي : رنا
سامي : ....
نستكمل في البارت 11
لمشاهده المزيد من قصص وروايات اضغط هنا
♥️♥️♥️♥️
ردحذف