كريم : ايوه اخوك بقي ياعم وزي بعض
سامي : يلا الف هنا المهم قولي انت ناوي علي ايه
كريم : بص دلوقتي انا كلمتها وقولتلها ان هنتقابل الساعه 8 في الكافيه اللى قعدنا فيه انا وانت في القاهره قبل كده فاكر الكافيه ده
سامي : اه طبعآ انا علي طول هناك
كريم : طب تمام واول مانتقابل ونقعد هقوم واسيبكم مع بعض
سامي : ياسلاام انا طول عمري بقول مفيش اجدع من كريم
كريم : متتعوضش على كده بس انا لولا عاوز افرح بيك
سامي : حقك ياعم , بقولك ايه يلا هقفل انا بقي اظبط واشوف هعمل ايه
كريم : تظبط ايه لسه 3 ساعات على المشوار
سامي : ماانت عارف ان اول مره اخرج في Date فهتبقي حاجه جديده عليا فلازم اكون مجهزلها
كريم : تمام ربنا معاك يلا مش هتعوز حاجه
سامي : حبيبي ياكيمو
كريم : سلام
سامي : سلام
كريم : انا كده عملت اللى عليا اروح انام بقي
الساعه 7:55 دقيقه وصل سامي الكافيه
سامي : هو فين ده
واتصل سامي بكريم بس بدون رد
لحد ما الساعه جت 8 وتوصل حلا وبدخولها للكافيه الكل يبصلها يقوم سامي يقف ويسرح شوية في جمالها بعدين تشوفه وتروحله
حلا : هاي
سامي : هاي اتفضلي
حلا : هو فين كريم مجاش ولا ايه
سامي والله ماعارف
ويجي رساله لكل واحد فيهم على التليفون ورا بعض
كريم : بصراحه بقي ماكنش ينفع اكون معاكم منظري هيبقي عامل ازاى يعني فقولت اسيبكم بقي مع نفسكم وتتعرفه على بعض براحتكم
سامي : هههه يخربيتك ياكريم
حلا : كريم بعتلك رساله برضه
سامي : اه مرضاش يجي وقال يسبنا نتعرف على بعض
حلا : هههه لا ونفس الرساله بس لا جدع
سامي : اه بصراحه المهم ايه اتكلمنا على كريم كتير مش هنتعرف بقي
حلا : انا بقول كده برضه
سامي : كلميني عن نفسك شوية انا معرفتكيش كويس
حلا : حابب تعرف ايه عني
سامي : شوية حاجات تعرفي بيها نفسك لاني معرفش عنك اي حاجه
حلا : تمام بص انا عندي 25 سنه خريجه كليه تجاره عايشه انا وبابا امي اتوفت وهي بتولدني وعلى فكره انت قاعد معاك واحده من احسن المحاسبين في الشرق الاوسط
سامي : لا مش للدرجادي
حلا : هتعرف بنفسك الايام جايه اهي وهتشوف
سامي : نص ثقتك وكنت بقيت في مكان تاني
حلا : هههه طب تماام وانت قولي اخبارك ايه في شغلك
سامي : لا مادام هنتكلم فى الشغل بقي لازم نشرب حاجه ها قوليلي تشربي ايه
حلا : يبقي 2 قهوه بقي ولا انت مالكش فى القهوه
سامي : انا يومي مبيمشيش من غير ما اشرب قهوه
حلا : وانا برضه شكل مابينا حاجات مشتركه
سامي : انا بقول كده برضه
سامي : اتكلمنا كتير ونسينا نطلب , لو سمحت
الويتر : اتفضل يافندم
سامي : 2 قهوه انا عاوزها مظبوطه وانتي ياحلا
حلا : مظبوطه برضه
سامي : تمام 2 قهوه مظبوطه
الويتر : 5 دقايق وتجهز يافندم شرفتونا
سامي : شكرآ
سامي : تمام وايه اخبارك بقي فى الشغل مرتاحه فيه
حلا : وهو الشغل في راحه برضه
سامي : ايه ده طب انتى مغصوبة على شغلك
حلا : بالعكس انا بحب شغلي وبحب اعتمد على نفسي في كل حاجه وبابا رفض ان اشتغل بره وللعلم انا ابقي بنت رجل الاعمال عبدالله صالح صاحب شركه المقاولات اكيد سمعت عنه
سامي : اكيد طبعآ حد ميعرفوش , بس عجبني اوي ان بتعتمدي على نفسك بنات وبتحاولي تبقي احسن
حلا : اه طبعآ ده لازم , وانت بقي كلمني عن نفسك شوية
سامي : عايزه تعرفي ايه
حلا : ايه ده انت هتقلدني ولا ايه
سامي : لا طبعآ انا ليا شخصيتي برضه اقلدك ازاى
حلا : عارفه طبعآ انت هيبتك دي اللى خلتني عاوزه اتعرف عليك
سامي : فعلا ما لو مفيش هيبه ماكنتش هشوف الجمال ده واسكت
حلا : هههه ميرسي انت اللى جميل
سامي : انا اللى جميل , المهم انا بقي ابويا ماكنش غني ولا حاجه انا ابويا وامي متوفيين من وانا عندي 10 سنين بدأت بشركه صغيره ومع مرور الوقت الشركه كبرت وبقيت دلوقتي رجل الاعمال سامي اللى البنات كلها بتحاول تتعرف عليه
حلا : لا عجبتني ثقتك دي بس ايه انا اللى جميل دي مش عجبك ولا ايه
سامي : ايه ده هنقفش على الكلمه ولا ايه انا بنكشك
حلا : مقبوله منك ياعم , بقولك ايه هي الساعه كام
سامي : الساعه , الساعه 11 ليه
حلا : انا لازم امشي
سامي : في حاجه ولا ايه
حلا : لا مفيش بس الوقت اتاخر اوي ولازم امشي
سامي : طب استني هاتي رقمك
حلا : انا فاكراك خدته من كريم , هات موبايلك
سامي : ليه
حلا : متخفش مش هاخده واجري هتصل بيا
سامي : اتفضلي
خدت التليفون واتصلت على تليفونها
حلا : بس رقمي اهو ابقي سجلني بقي يلا همشي انا
سامي : طب استني هاجي اوصلك
حلا : لا لا مش هينفع عشان بابا لو شافك هيموتني
سامي : تمام خلي بالك من نفسك
حلا : تمام باي
سامي : باي
طلعت حلا بره المقهي وركبت عربيتها وراحت لمكان تاني خالص واول ماوصلت المكان يستقبلها واحد ويقف قدامها
سعد : ايه ياحبيبي كل ده تأخير
حلا : ......
نستكمل فى البارت 4
للمزيد من قصص وروايات اضغط هنا
تعليقات
إرسال تعليق