علي : ايه ياعم مش هتمشي ولا ايه
محمد : لا روح انت انا هخلص اللى فى ايدي ده وامشي
علي : تمام ربنا معاك يلا سلام انا
محمد : سلام
انا محمد 28 سنه من القليوبية متجوز والحمدلله مبسوط انا ومراتي ربنا كرمني وبقيت محاسب فى شركه كبيره بس بعد مرور الوقت تم نقلي لفرع تاني فى القاهره
محمد : عم صاابر
صابر : اتفضل يااستاذ محمد
محمد : اعملي قهوه لو سمحت ياعم صابر
صابر : عنيا يااستاذ محمد
محمد : وبقولك ايه انا تليفوني هيفصل مفيش اى شاحن هنا
صابر : لا والله مفيش
محمد : تمام اتفضل انت
عم صابرعمله القهوه ومشي شرب القهوه بص على تليفون لقي ان الفون فصل وان نسي يعرفهم ان هيتاخر فى الشغل النهارده فيقرر يروح للبيت اللى جنب الشركه يشوف لوعندهم شاحن
طلع محمد بص على البيت واستغرب من شكله بيت قديم شبابيكه سودا وان شكله متفتحش بقاله سنين خبط على الباب وبعد انتظاريفتح الباب شخص غريب مخبي وشه ومبيتكلمش
محمد : انا افتكرت مفيش حد ساكن هنا عمال بخبط من بدري
وبدون رد يديله الشاحن ويقفل الباب ويمشي محمد مستغرب
محمد : ازاى عرف ان عاوز شاحن وان متكلمش حتي ومخبي وشه ليه الرجل ده فيه حاجه غريبه
ويرجع للشركه يشحن الفون وبعد ساعه يكلم مراته يطمنها
محمد : الوو
حلا : محمد فينك كل ده قلقتني عليك اوي
محمد : معلش ياحبيبتي عندي شغل كتير النهارده فبخلصه
حلا : هستناك
محمد : لا نامي انتي انا هتاخرقدامي كام ساعه لسه
حلا : تمام ياحبيبي خلي بالك من نفسك
محمد : خلي بالك انتى من نفسك واقفلي الباب كويس عليكي ولو حد خبط متفتحيش
حلا : حاضر
محمد : يلا عاوزه حاجه
حلا : عاوزه سلامتك
محمد : سلام ياحبيبي
حلا : سلام
تعدي الساعات ويخلص الشغل اللى وراه ويروح البيت على 7 الصبح يقعد شوية يحاول ينام فيفتكر الرجل اللى فى البيت اللى جنب شغله وبعد ربع ساعه ينام
محمد : عم صابر بقولك لو سمحت عاوزك تدي الشاحن ده للناس اللى فى البيت اللى جنبينا
صابر : ناس مين
محمد : الناس اللى فى البيت اللى جنبينا ده
يبصله عم صالح بـ استغراب : بس البيت ده صحابه ماتو من 8 سنين
محمد : صحابه مين اللى ماته لسه واخد منهم شاحن امبارح
صابر : لا مش معقول اللى حضرتك بتقوله ده من 8 سنين كان فى فعلا رجل فى المكان وانتحر والقصه بتاعته انتشرت ساعتها حتي ممكن حضرتك تبحث وتشوف بنفسك سكت محمد من صدمته ومصدقوش فقرر فعلا يبحث ويشوف بنفسه وفعلا يطلع ان كان فى رجل غريب زي ما الكل كان بيقول وان انتحر ومحدش عرف ايه السبب محمد بصدمه وعصبيه ومش متخيل ازاى حصل كل ده وقعد يكلم نفسه طب انا بتهيقلي فعلا هل ده كله كان حلم بس ازاى والشاحن ده جيه ازاى لا انا لازم اروح بنفسي واعرف مين اللى فتحلي ده واتأكد فيقرر يروح وينزل محمد ويقف قدام البيت ويخبط .
محمد : انا عارف ان فى حد هنا
ويقعد يخبط على الباب وينادي وفجاه يتفتح الباب لوحده يدخل محمد ويبص محمد ميلاقيش حد غير صوت من فوق بينادي عليه محمد استغرب ويقرر فعلا يطلع ويتصدم من المنظر دم كتير على السلم سلم مكسور فيران فى كل حته يتشجع ويكمل ويتصدم من اللى هيشوفه نفس الرجل اللى شاف الخبر بتاعه قدامه بس مش صاحي لا ده ميت مليان دم جثه فى الارض ولا اللى لسه ميت دلوقتي جري محمد وهرب من البيت بسرعه واستأذن من الشغل وراح البيت وهو مش قادر يستوعب كل ده ويمر اسبوع وكل يوم يحلم بالشخص ده وهو في صدمه وحيره من اللى شافه ومش قادر ينسي كل ده يقرر يتصل بصاحبه اللى لسه راجع من سفر تبع شغله بره
محمد : ايه يابني عامل ايه
علي : الحمدلله اخيرا افتكرتني يعني اسافر اسبوع شغل بره متعبرنيش ياندل وانا اللى بقول اخويا
محمد : مش وقته الكلام ده بقولك ايه قابلني دلوقتي عند الكافيه اللى بنقعد فيه
علي : فى حاجه ولا ايه
محمد : اما توصل نتكلم يلا سلام دلوقتي
علي : سلام
وبعد ربع ساعه من وصول محمد وعلي الكافيه
علي : ايه يابني فى ايه خضتني
محمد : مصيبه يامحمد
علي : مصيبه ايه فى ايه
محمد : من اسبوع بعد مامشيت تليفوني فصل وكنت عاوز اشحنه فـ روحت للبيت اللى جنبينا اشوف لو عندهم شاحن ...
يقاطعه علي : استني استني بيت ايه هو فى حد ؟
محمد : ما انا هحكيلك اصبر
علي : كمل
محمد : المهم روحت وفاتحلي شخص غريب واول مافتحتله ومن غير مااقوله على حاجه اداني الشاحن وقفل الباب وبعد ماتأكدت فعلا ان مفيش حد وان الرجل انتحر من 8 سنين قررت اتاكد بنفسي واعرف مين اللى اداني الشاحن دخلت ويارتني مادخلت ياجدع بخبط لاقيت الباب مفتوح وحد بينادي يقول محمد طلعت والاقي نفس الرجل اللى انتحر من 8 سنين ميت قدامي ولا اللى لسه ميت
علي : ياساتر ياارب طب وبعدين
محمد : استأذنت ومشيت وبقالي اسبوع مروحتش الشغل بس كل يوم كان بيجيلي كوابيس وامبارح حلمت انى دخلت البيت ولاقتني انا اللى ميت قدامي
علي : لا احنا لازم نروح لشيخ
محمد : والشيخ هيعملنا ايه ياعلي
علي : هو الوحيد اللى هيقدريساعدك
محمد : ده شيخ شيخ عارف ربنا ولا دجال ياعلي
علي : لا ياجدع متقلقش
محمد : على الله شوف كده نروح امتي وقولي
علي : من بكره واحنا كده كده اجازه بكره من الشغل
محمد : تمام بكره ان شاء الله
علي : ان شاء الله
يروح محمد البيت وهو مبسوط عشان خلاص هيتخلص من الكوابيس اللى بتجيله دي
حلا : حمدلله على السلامه ياحبيبي ارتاح عقبال مااجهزلك الاكل
محمد : تسلميلي ياحبيبتي انا هروح اريح شوية كلي انتى انا كلت
حلا : تمام ياحبيبي تصبح على خير
محمد : وانتى بخير
نام محمد وبعد كلام علي اتطمن ومبقاش يفكر فى حاجه
محمد : ايه ده انا فين
مهما تحاول مش هتعرف تهرب مفيش مفر وزي ماروحك دخلت بيتي مش هتطلع منه تاني
محمد : انت فاكرني خايف منك انا مش خايف ولا هتقدر تعملي حاجه انت ضعيف
ضعيف هتشوف دلوقتي مين فينا الضعيف
تتقلب ملامحه ويسود وشه ويتحول لشيطان يخلي محمد من رويته لي يتشل وميقدرش يتحرك يقرب الشيطان من محمد عشان ياخد روحه وخوف فى عيون محمد وصدمه من المنظر وهو مش قادر يتحرك ولا عارف يعمل ايه وفجاه ..
محمد : ياساتر ياارب
حلا : حبيبي مالك فى ايه
محمد : كاابوس
حلا : متقلقش ياحبيبي ارتاح انا قاعده جنبك مش هنام
محمد : لا نامي انا مش هنام انا نمت خلاص
ويفضل محمد سهران وميعرفش ينام لحد مايأذن الضهر يقوم يصلي ويكلم صاحبه علي
محمد : الوو
علي : الوو
محمد : ايه هنروح امتي
علي : دلوقتي لو حابب
محمد : تمام يلا دلوقتي
علي : تمام انا بره اصلآ هعدي عليك استناك تحت البيت فـ انجز بقي
محمد : هي 10 دقايق وهتلاقيني تحت
علي : تمام يلا سلام
محمد : سلام
نزل محمد وراح هو وعلي للشيخ
علي : شيخنا عبدالله
الشيخ عبدالله : اتفضل ياابني
علي : صحبي محمد فى مشكله كبيره وانت اللى هتحلها
الشيخ عبدالله : خير مشكله ايه يابني
محمد : انا روحت بيت والبيت ده المفروض ان مفهوش حد وان صاحب البيت انتحر من 8 سنين وخبطت عشان كنت محتاج شاحن ففتح شخص غريب وخافي وشه ومن غير كلام اداني الشاحن وقفل وتاني يوم اما اتأكدت ان فعلا مفيش حد روحت بنفسي تاني عشان اتأكد واعرف مين اللى فتحلي الباب ده روحت قعدت اخبط وانادي لاقيت الباب اتفتح لوحده فقولت ادخل والاقي صوت حد بينادي عليا واول مااطلع واشوف الاقي الرجل اللى فتحلي اللى المفروض ميت من 8 سنين ميت قدامي وغرقان دم ومن ساعتها وهو بيجيلي فى الاحلام واخر مره ظهرلي على هيئه شيطان
الشيخ عبدالله : فين المكان ده ياابني
محمد : فى القاهره جنب الشركه اللى شغال فيها في ....
الشيخ عبدالله : يابني مش عارف اقولك ايه بس اللى فتحلك الباب ده واللى شوفته مش بني ادم ده الشيطان اللى بسببه انتحر صاحب المكان واللى بدخولك بيته مش هيسيبك غير اما ياخد روحك
محمد : طب وايه الحل
الشيخ عبدالله : لازم تواجهه
محمد : اواجهه ازاى
الشيخ عبدالله : خلي معاك المصحف ده ومتخفش ودي الحاجه الوحيده اللى هتحميك منه ومتخفش اوعي تخاف انت اقوي منه
علي : تمام ياشيخنا شكرآ
يمشي علي ومحمد وهو معاه المصحف وبيخطط هيعمل ايه وبالفعل يقرر ان ميعديش اليوم الا اما يتخلص منه وبعد 5 ساعات يروح علي ومحمد البيت ده ويدخله البيت ومحمد فى ايده المصحف محمد يقعد ينادي بس ميلاقيش رد فيقرر يقرأ قرأن بصوت عالي وفجاه وهو بيقرأ صوت من كل حته فى البيت وصويت عالي يهز كل اللى فى البيت ويظهر فجاه بشكله المخيف واقف قدامهم يتحداهم ويقول
جيت بنفسك اخد روحك وجبت روح تانيه معاك المره دي مش هتعرف تجري
وفجاه يتقفل الباب وكل شبابيك البيت وبيقرب عشان يقتلهم وياخد روحهم من المنظر شعرهم يبيض ويترعشه بس يقرر محمد ان هيقدر عليه ويمسك نفسه ويستعين بالله
محمد : لو انت مش عاوز تمشي انا هخليك تمشي
يفتح محمد المصحف ويبدأ يقرأ القرأن وصويت من الشيطان يهز البيت كله وفجاه يختفي من البيت يتطمن محمد وعلي ويمشو ويجيبو ناس تقرأ قرأن فى اركان البيت تحميه من اى حاجه ويتقفل البيت ده وميتفتحش تاني
ويدور الايام وترجع حياتهم لطبيعتها من تاني ...
تعليقات
إرسال تعليق