شهد : امى يااامى ياامي ردي عليااا امي
شهد : متسبنيش ياامى انا مااليش غيرك اامي اصحي
الممرضه : ادعيلها هي راحت عند اللى احسن منى ومنك
شهد : بسس اسكتى امى عايشه متقوليش كده تاني ياامى ردى علياا ياامى قولتى مش هتسبينى سبتينى ليه دلوقتى
.....
شهد 18 سنه عايشه مع امها اللى هي كل حاجه في حياتها ابوها اتوفي وهي عندها 10 سنين ف امها هي عيلتها كلها اللى باقيه ليها
ام شهد : يا شهد يلا الفطار جاهز
شهد : حاضر ياماما جايه
شهد : ايه الجمال ده امى اللى مدلعانى عاملالى الاكل اللى انا بحبه كله
ام شهد : بالف هنا ياحبيبتى المهم بس الاكل كله يخلص
شهد : هيخلص متقلقيش
ام شهد : تمام هروح انا على الشغل وهتلاقي عندك فلوس عشان تجيبي الطقم اللى نفسك فيه
شهد : ياحبيبتى ياماما ربنا يخليكى ليا
ام شهد : ويخليكى ليا ياحبيبتى يلا عاوزه حاجه ياحبيبتى
شهد : عاوزه سلامتك خلى بالك من نفسك
ام شهد : متقلقيش ياحبيبتى يلا سلام
شهد : سلام
عم ابراهيم : اتفضلي ياام شهد
ام شهد : الله يخليك يارب هاجر عامله ايه
عم ابراهيم : الحمدلله كويسه طول اليوم مبتبطلش كلام هى وشهد
ام شهد : اه ماانت عارف بقي صحاب من وهما صغيرين ومتعلقيين ببعض اوى ربنا يخليهم لبعض
عم ابراهيم : امين ياارب
ام شهد : يلا بالاذن انا
عم ابراهيم : اتفضلى ربنا يستر طريقك
ام شهد : طالع ياسطا
التاكسي : اتفضلى يامدام
ام شهد : السجل المدنى ياسطا
سواق التاكسي : تمام
سوااق التاكسي : ياساتر ياارب الفرامل سابت
ام شهد : انت بتقول ايه انت بتهزر
سواق التاكسي : وهو ده وقت هزار يامدام
ام شهد : حاااسب
وتتقلب العربيه بالسواق وام شهد ويتوفي السواق فى محاوله انقاذ ام شهد الناس كلها اتلمت وراحت ل اقرب مستشفي بس للاسف كانت بتموت الناس حاولت تتصل ب اى حد يعرفها ملقتش غير رقم شهد
الوو شهد معايه
شهد : ايوه مين وبتعمل ايه بتليفون امى
انا مش عارف اقولك ايه يابنتى بس امك فى المستشفي عملت حادثه وبين الحياه والموت
شهد وبزعيق : انت بتهزرر صح امى فين ادينى امى
تعالى بنفسك المستشفي وياريت لو بسرعه لان مفيش وقت
شهد قفلت الموبايل وجسمها كله بيترعش لبست وجري على المستشفي
شهد راحت جري فى المستشفي
شهد : لو سمحتى في ست كبيره جت هنا فى حدثه
الممرضه : اه فى الاوضه اللى على يمينك دى بس الدكتور قال محدش يدخل
شهد : حااسبي كده عاوز اشووف امى
شهد : اميي انتى كويسه ياامى امى
ام شهد : كويس انك جيتي عاوزه اقولـ.....
تقاطعها شهد من خوفها
شهد : ياامي انتى كويسه صح مفيش حاجه هتقومي وتبقي كويسة
ام شهد : ياشهد مفيش وقت لازم اقولك على السر اللى مخبيه عليكي السنين دي كلها
شهد : سر سر ايه يا امي
ام شهد : ابوكي لسه عايش ياشهد
شهد : عايش ازاى ياامي ابويا مات من زمان وحضرت العزا بتاعه
ام شهد : اللى مات ده مش ابوكي
شهد : مش ابويا مش ابويا ازاى ياامي ؟
ام شهد : اللى مات ده يبقي ابن عمي اتجوزني زمان بعد ماابوكي سابك وانا حامل فيكي وان ابوكي ماكنش عاوزك تيجي الدنيا دي ابن عمي وقف جنبي وخلي باله منك واعتبرك بجد بنته ومن ساعتها قررنا منعرفكيش حاجه
شهد : ازاى ياامي ازاى السنين دي كلها وبتضحكي عليا
ام شهد : .. ياشهد ابوكي ماكنش عاوزك تيجي الدنيا دي وسابنا اقولك ازاى مقدرتش اخليكي تعيشي وانتى عارفه ان ابوكي مش عاوزك فى الدنيا دي بس خلاص مفيش وقت وكان لازم اعرفك قبل مااموت
شهد : بس ياامي متقوليش كده هتبقي كويسة وتقومي بالسلامه
ام شهد : عاوزك تروحي لـ ابوكي هو اكيد بعد السنين دي كلها اتغير وانتى فى الاول والاخر بنته وانا مش هكون موجوده عشانك وابوكي اسمه مصطفي جمال رجل الاعمال المشهور وده عنوانه فى اسكندريه وعاوزاكي تخلى بالك من نفسك ياحبيبتى ومتزعليش ده قدر ربنا
شهد بكسره ودموع : بس بقي متقوليش كده هتبقي كويسة وهنقوم ونروح بيتنا دلوقتي
وفجاه ام شهد متتحركش شهد تحركها كتيرعلى امل تكون لسه عايش وترد عليها بس خلاص ماتت
امى يااامى ياامي ردي عليااا امي
شهد : متسبنيش ياامى انا مااليش غيرك اامي اصحي
الممرضه : ادعيلها هي راحت عند اللى احسن منى ومنك
شهد : بسس اسكتى امى عايشه متقوليش كده تاني ياامى ردى علياا ياامى قولتى مش هتسبينى سبتينى ليه دلوقتى
وتدخل هاجر صاحبتها
هااجر : شهد
شهد : هااجر امي راحت مني
هاجر حضنتها وقعدت تعيط معاها وتحاول تهديها
هاجر : اهدي ياشهد اهدي ياحبيبتي هي راحت عند اللى احسن مني ومنك
شهد تعيط ومش قادره تتكلم وفجاه يغمي عليها
هاجر : شهد شهد ؟؟
هاجر : ياادكتوور يااادكتور
الدكتور : ايه فى ايه
الدكتور يشوف النبض وتطلع الحمدلله عايشه
هاجر : مالها يادكتور شهد كويسه صح
الدكتور : اه هي كويسة متقلقيش استأذنك تطلعي بره دلوقتي
الدكتور : اديها حقنه مهدئه دلوقتي
ممرضه : تمام يادكتور
الدكتور يطلع بعد مااتطمن ان شهد كويسة
هاجر : دكتور شهد عامله ايه
الدكتور : متقلقيش هى خدت حقنه مهدئه وهتبقي كويس
هاجر : الحمدلله شكرا يا دكتور
الدكتور : ده واجبي يافندم المهم ترتاح كويس موت والدتها اثر اوي عليها فمقدرتش تستحمل واغمي عليها
هاجر : تمام يادكتور هي تقدر تروح النهارده
الدكتور : اه تقدري تاخديها النهارده بس زي ماقولتلك ترتاح كويس وياريت لو تسافر بره وجودها في البيت الفتره دي هيتعبها اكتر
هاجر : تمام شكرا يادكتور
...
عم ابراهيم : هااجر شهد عامله ايه دلوقتي
هاجر : اغمي عليها مقدرتش تستحمل ولسه واخده حقنه مهدئه ونايمه دلوقتي انا قلبي وجعني عليها اوي يابابا مش عاوزه اشوفها كده عم ابراهيم : هنعمل ايه يابنتي قدر ربنا الله يرحمها برحمته ويصبرها
انتى بس خليكي جنبها انتى عارفه ان مالهاش غيرك
هاجر : متقلقش الايام دى هكون دايما جنبها مش هقدر اسيبها في الحاله دى
عم ابراهيم : هى تقدر تروح معانا النهارده
هاجر : اه الدكتور قالى تقدر تروح بس مينفعش تقعد في البيت
عم ابراهيم : مينفعش تقعد في البيت ليه هي مش كويسه
هاجر : لا كويسه بس قال ان قعدتها فى البيت هيتعبها اكتر وهيخليها تفتكر مامتها
عم ابراهيم : تمام انا هسافر بكره اسكندريه اقعد شهرين اخلص شغل تعالو معايه واقعدو انتو فى البيت اللى هناك جو اسكندريه هيخليها تفك شويه جهزى شنطتكم وعرفيها
هاجر : تمام يابابا
.......
هاجر فضلت جنب شهد وعلى بليل كده شهد صحيت
هاجر : حمدلله على السلامه ياحبيبتى
شهد تسكت ومش قادره تتكلم
هاجر : عارفه انك تعبانه ومش قادره تتكلمى بس مينفعش اللي بتعمليه ده هي مش هتكون مرتاحه كده
شهد : سبيني ياهاجر لوحدي شوية
هاجر : لا طبعآ مقدرش اسيبك بصي ياشهد انا عارفه انتى حاسه بـ ايه وعارفه كويس ان مالكيش غيرها بس ياحبيبتي احنا كلنا هنموت وده قدر ربنا ادعيلها ياشهد اللى بتعمليه فى نفسك ده مش هيرجعها بالعكس هيتعبها اكتر
شهد : مش قادره ياهاجر مش قادره اصدق ان مش هشوفها تاني
هاجر : ادعيلها ياحبيبتي هي محتاجه دعواتنا كلنا ربنا يرحمه برحمته
شهد : يااارب
هاجر : عاوزك تقومي دلوقتي بقي عشان هنروح تجهزي شنطتك عشان هنروح اسكندريه كلنا بكره
شهد تسكت وتفتكر شهد كلام امها وان ابوها عايش فى اسكندريه
هاجر : شهد انتى معايه ياحبيبتي
شهد : معاكي هنعمل ايه فى اسكندريه
هاجر : انا هسافر هناك مع بابا ومينفعش اسيبك لوحدك وهنروح نقعد فى البيت اللى هناك انا عارفه انك بتحبي تقعدي هناك
شهد : روحي انتى ومتقلقيش انا هبقي كويسة
هاجر : مقدرش اسيبك لا وبابا قالي خلاص ولازم تيجي معانا
يلا بقي نروح وجهزي الشنط وتعالي نامي معايه وبكره نروح
شهد : ماشي
يروحه بيت عم ابراهيم وشهد بتحاول تخبي وجعها وكسرتها مش قادره وتفضل كده لحد ماتنام تصحي شهد وهي دموعها على خدها وعماله تفتكر امها وتتخيلها فى كل مكان تدخل شهد بيتها تاني عشان تلبس وتروح معاهم
وتاني يوم يروحه اسكندريه
....
بعد 3 ساعات في اسكندريه
هاجر : شهد ايه رايك فى المكان
شهد : كويس متغيرش فى حاجات كتير عن زمان
هاجر : المكان مكانك ياحبيبتي ادخلي انتى شوفي البيت وانا هشوف بابا عاوز ايه
شهد : تمام
بعد ماشافت باباها رجعت لـ شهد تعرفها ان هيقعده شهرين فى اسكندريه
هاجر : فى خبر عاوز اقولك عليه
شهد : خبر ايه خير
هاجر : هو خير هنقعد هنا كمان شهرين
شهد : انا اصلا عاوزه اقعد شوية هنا
هاجر : تمام ياحبيبتي كويس انك عاوزه تقعدي هنا افتكرتك هتضايقي ولا حاجه
شهد : لا مش مضايقه
ويعدي اليوم والتاني ....
وبعد اسبوع
هاجر : صباح الخير
شهد : صباح النور
هاجر : اقعدي عقبال مااجهزلك الفطار
شهد : تمام
تقعد شهد وتلاحظ فجاه ابوها على قناه فى التلفزيون فتكرر تقول لهاجر
هاجر : يلا بقي عارفه انك بتحبي الاكل ده يلا ومتكسفنيش انتى الايام دي مبتاكليش كويس
شهد : هاجر
هاجر : ايه ياحبيبتي
شهد : عارفه مين اللى على التلفزيون ده
هاجر : اه ده رجل الاعمال مصطفي جمال فى حد ميعرفوش
شهد : ده ابويا
هاجر : ابوكي ايه ياشهد انتى كويسة ياحبيبتي ابوكي مات من 8 سنين
شهد : ده ابويا وامي كانت مخبيه عليا
هاجر : انا مش فاهمه حاجه
شهد : امي قبل ماتموت قالتلي ان ده ابويا وسابني وهي حامل فيا وان اللى مات ده ابن عمها اللى اتجوزها بعد ماسبني
هاجر : ايه ده يعني السنين دي كلها ابوكي يطلع عايش وكمان يسيبكم الفتره دي كلها
شهد : اه انا لحد دلوقتي مش مصدقه
هاجر : طب وهتعملي ايه ياحبيبتي
شهد : عاوزه اقابله بس مش عاوزه اعرفه اني بنته
هاجر : وهتعملي ايه
شهد : انا سمعت ان هو عاوز سكرتيره
هاجر : انتى ناويه على ايه
شهد : هروح اشتغل هناك فى شركته عاوزه اعرفه اكتر اعرف الرجل اللى ساب مراته وهي حامل فى بنته وهو هيعرف اني بنته بس فى الوقت المناسب
هاجر : تمام ربنا يسترها
.......
وبعد يومين فى شركه رجل الاعمال مصطفي جمال اشرف ال Hr وصاحبه بيشوف المناسبه للوظيفه ويختار شهد عشان جميله وشاطره جدآ وتعرف لغات
مصطفي : ايه يااشرف في حد مناسب لوظيفه السكرتيره
محمد : اه ياباشا فى انسه اسمها شهد محمد
مصطفي : تمام عرفتها نظام الشغل
محمد : اه كله تمام
مصطفي : تمام قولها تيجي بكره من 8 الصبح مش 9 عاوز اعرف هتيجي فى الوقت ولا هتتاخر انت عارفني بحب اللى يشتغل معايه يكون ملتزم فى مواعيده
محمد : تمام ياباشا
فى البيت عند هاجر
هاجر : ايه ياشهد عملتي ايه
شهد : اتقبلت اهو بس فى حاجه غريبه حصت
هاجر : ايه حصل ايه
شهد : بعد مااتفقنا وقالي ان الميعاد 9 اتصل بيا وانا فى الطريق وقالي اجي 8
هاجر : تمام بسيطه بسيطه مش هتفرق من ساعه
شهد : هو اكيد عاوز يعرف هلتزم بالوقت ولا ايه بس انا هوريه الالتزام
هاجر : تمام انا هروح انا لـ بابا اشوفه
شهد : تمام خلي بالك من نفسك
هاجر : خلي بالك انتى من نفسك ولو فى اي حاجه اتصلي بيا
شهد : تمام
هاجر : يلا باي
شهد : باي
.....
ويعدي اليوم وتوصل شهد فى ميعادها الساعه 8
مصطفي : ايه يا اشرف وصلت ولا ايه
اشرف : اه ياباشا وصلت فى الوقت
مصطفي : تمام قولها تدخل
اشرف : تمام
..
اشرف : شهد اتفضلي المدير عاوزك
شهد بتخبط على الباب
مصطفي : اتفضلي
شهد : صباح الخير
مصطفي : صباح النور
مصطفي اول مايشوفها يسرح ويفتكر مامتها ويحس بالذنب وان حاول يوصلها كتير ويرجعه لبعض ومعرفش وكان عاوز يشوف بنته
شهد : انا شهد السكرتيره الجديده
مصطفي : اتفضلي ياشهد
مصطفي : شكلك مش غريب عليا هو انا شوفتك قبل كده
طبعآ شهد كانت شبه مامتها جدآ فـ اما شاف شهد افتكرها
شهد : لا مظنش ان اتقابلنا قبل كده انا لسه جايه اسكندريه قريب
مصطفي : بتمني تكون اسكندريه عجبتك
شهد : اه جميله
مصطفي : تمام بصي بقي ياشهد دلوقتي دي المواعيد اللى هكون موجود فيها واشرف عرفك المكتب بتاعك وعرفتي تفاصيل الشغل
شهد : اه عرفني كل حاجه تمام
مصطفي : تمام يلا على مكتبك
شهد : بالاذن
مصطفي : اتفضلي
.....
اشرف : معاك ياباشا
مصطفي : اشرف عاوزك تعرفلي تفاصيل البنت دي ومين عيلتها
اشرف : فى حاجه حصلت ولا ايه
مصطفي : البنت فكرتني بـ نهي ماخدتش بالك من الشبه منهم نهي اللى هي ام شهد
اشرف : اه انا فعلا استغربت اوي اما شوفتها تفتكر تكون هي
مصطفي : ده هيكون اسعد يوم فى حياتي تكون بنتي اللى بدور عليها بقالي 18 سنه بس انا العيب مني ماكنش لازم اسيبهم
اشرف : اللى حصل حصل ياباشا وان شاء الله تطلع هي ونفرح كلنا
مصطفي : ان شاء الله
.....
بعد 3 ايام فى شركه مصطفي جمال
مصطفي : ايه يااشرف طمني
اشرف : والله ياباشا هو فى خبر حلو وخبر وحش الخبر الحلو ان فعلا طلعت بنتها بس للاسف الخبر وحش ان اتوفت وكانت متجوزه وجوزها اتوفي فعلا فمعرفتش اذا كان بنتك ولا بنت جوزها اللى اتوفي
مصطفي : طب وايه العمل يا اشرف
اشرف : يبقي الحل الوحيد ان نعمل تحليل DNA
مصطفي : وده ازاى يا اشرف
اشرف : بسيطه ياباشا هكلم اميره مديره التسويق فى الشركه هما دلوقتي صحاب وهي هتتصرف وتجيب شعره من شعرها
مصطفي : تمام
بعد 3 ساعات
اشرف : ودي بقي شعره من شعرها
مصطفي : الله ينور عليك يااشرف لو طلعت فعلا بنتي اجازه شهر ليك
اشرف : ان شاء الله تطلع هي
...
فى وقت تاني في البيت
هاجر : ايه الاخبار عملتي ايه
شهد : بصراحه هو كويس اووي معايه وكمان بيعمل خير كتير وبيتعامل معايه معامله غير الكل
هاجر : ازاى بقي بيتعامل معاكي ازاى
شهد : انا حاسه ان عارف انى بنته حسيت بحنانه الاب معاه حتي فى لاحظت ان فى بعض الاحيان كان بيقولي يابنتي
هاجر : خليه يعرف ياشهد مش كفايه كده
شهد : هعرفه بكره
.....
مصطفي : اشرف طلعت بنتي يااشرف طلعت بنتي
اشرف : الف مبروك ياباشا وربنا يخليكم لبعض مكافاه دلوقتي لكل اللى فى الشركه
اشرف : ربنا يبارك فيك ويباركلك فيها
مصطفي : انا هروحلها البيت يااشرف مش مستحمل استني اكتر من كده
اشرف : طب اجيبلك السواق يوصلك
مصطفي : هروح انا بعريبتي ياا اشرف
ومشي مصطفي جري عشان يشوف بنته بعد ماعرف
فى نفس الوقت في البيت
شهد : هاجر انا نازله انا على الشغل
هاجر : انتى مش اجازه النهارده انا افتكرتك اجازه
شهد : لا هو قالي اجي على 12
هاجر : تمام ياحبيبتي تروحي وتيجي بالسلامه
شهد : الله يسلمك ياحبيبتي يلا سلام
هاجر : سلام
نزلت شهد
شهد : هو مفيش عربيات ولا ايه شكلي هتاخر كده انا الاحسن اعدي الناحيه التانيه اشوف
تعدي شهد الناحيه التانيه عربيه ماشيه بسرعه تخبط شهد وتمشي
الناس تتلم : لا حول ولا قوه الا بالله حد خبطها وجري
مصطفي : ياساتر ياارب فى ايه
وينزل مصطفي من العربيه يشوف الحدثه فيتصدم ببنته شهد اللى كان عنده امل يشوفها وياخدها فى حضنه بعد السنين دي كلها
مصطفي : شهد بنتي ردي عليا يابنتي مش بعد السنين دي كلها تروحي مني ردي عليا ياشهد ردي عليا ياحبيبتي شهد شهد شهد
وتموت شهد وهي فى احضان ابوها اللي قعد 18 سنه نفسه بشوفها ويبرر غلطه حياته
.....
فى نهايه قصتنا احب اقولكم حاجه قدر النعمه اللى ربنا رزقك بيها وارضي بـ اللى اتكتبلك عشان متجيش فى يوم وتندم على قرار خدته :)
