حب بدون مقامات

......
عم صالح : استاذ محمد اعملك القهوه بتاعتك
محمد : اه ياريت ياعم صالح 
عم صالح : تمام مش هتاخر 
حلا : السلام عليكم 
حلا بنت جميله عيونها خضرا وبيضه وشعرها اصفر عندها 21 سنه بنت شاطره فى دراستها وذكيه بنت عم صالح الرجل الغلبان اللى بيعمل اى حاجه عشان يشوف حلا مبسوطه دايما ومبيحسسهاش ان حد احسن منها
محمد : عليكم السلام 
محمد : انتي مين انتى جديده معانا هنا ولا ايه 
حلا : لا انا جايه اشوف بابا
محمد : ااه بابا وياتري مين اللى جاب القمر ده  
حلا : انت مالك انت واتكلم معايه عدل ياض
محمد : ياض انتى بتكلميني انا
حلا : اه ياض وهو فى غيرك فى وشي 
عم صالح جيه فجاه : اتفضل يااستاذ محمد قهوتك
حلا : بابا
عم صالح : حلا انتى بتعملي ايه هنا يابنتي 
حلا : انت نسيت تاخد الاكل بتاعك فجبتهولك معايه 
عم صالح : تسلمي ياحبيبتي انا مش جعان دلوقتي 
حلا : خلاص خليه معاك لحد ماتاكل وانا همشي انا عشان اتاخرت على المحاضره
عم صالح : تمام ياحبيبتي خلي بالك من نفسك 
حلا : حاضر يابابا سلام  
محمد : بس اول مره اعرف ياعم صالح انك عندك بنت جميله كده 
عم صالح : دي بنتى الوحيده حلا اوعي تكون ضايقتك يااستاذ محمد
محمد : لا خالص 
محمد : تمام اتفضل انت ياعم صالح
محمد عينه متشالتش من على حلا من جمالها وقعد يفكر ازاى تكلمه كده 
وبعد مرور 7 ساعات محمد خلص الشغل وقال يعدي على صحابه وطبعآ كالعاده محمد متاخر عليهم 
كريم : هو فين ده مش اتفقنا هنتقابل الساعه 8 الساعه 9 دلوقتي 
ساره : ثواني هتصل بيه 
تليفون محمد بيرن ومبيردش وبعد محاولات 
محمد : الوو 
ساره : ايه يامحمد انت فين ومبتردش ليه 
محمد : انا جاي اهو داخل عليكم 
ساره : تمام سلام 
بعد مرور ربع ساعه 
محمد : هو انا شكلي اتاخرت ولا ايه 
كريم : تصدق انك بارد ياجدع ساعه وربع مستنيين 
محمد : الطريق كان واقف والله 
كريم : اقعد اكدب كده
ساره : خلاص بقي ياكريم هيعمل ايه ماالطريق كان واقف
كريم : اقعدي انتى دافعي عنه 
محمد : ايه ياكريم فى ايه ماخلاص 
كريم : تماام تماام 
محمد : كلتو ولا ايه 
كريم : الاخت ساره مستنيه حضرتك مش عاوزه تاكل من غيرك 
ساره اتكسفت وسكتت 
محمد : يابني ماتسكت 
محمد : شايف الناس اللى بتقدر مش انت تلاقيك كلت يجي مرتين تلاته وانا مش هنا
كريم : هى مره بسبب تاخيرك 
ساره : خلاص بقي ياكريم نشوف محمد هياكل ايه 
كريم : بصوت واطي انتى ناقص تاكليه 
محمد : بتقول حاجه ياكريم 
كريم : ايه لا مفيش
تطلبو ايه يافندم 
كريم : انا عاوز نص فرخه  وبشاميل وانتو هتاكلو ايه 
محمد : هاتلي بقي حمام محشي مع رز بسمتي 
ساره : تمام وانا عاوزه زي محمد
كريم : بس غريبه ياساره من امتي بتاكلي حمام 
ساره : وانت عارف انا بحب ايه ومبحبش ايه انا طول عمري بحب الحمام 
كريم : تمااام 
وبعد الاكل كله روح البيت ونام اليوم التاني فى مكان تاني 
حلا : صباح الخير يابابا 
عم صالح : صباح الخيرياحبيبتي تعالي كلي معايه 
حلا : الف هنا انا هاكل مع صحابي فى الجامعه 
عم صالح : تمام ياحبيبتي خلي بالك من نفسك 
حلا : تمام يابابا .. سلام
عم صالح : سلام 
حلا راحت الجامعه تحضر محاضرتها 

 فى مكان تاني عند محمد 
علي : مابتصدق انت اجازه قاعد فى البيت 
محمد : عاوزني اعمل ايه طب 
علي : انا رايح الجامعه النهارده اشوف دكتور صحبي ايه رايك تيجي معايه وبالمره نفتكر ايام الجامعه 
محمد : تصدق انا نفسي اروح من زمان طب يلا انا هقوم البس يلا 
علي : يلا 
وخلص علي ومحمد ونزلو ويشاء القدر ان تكون نفس الجامعه اللى فيها حلا 
بعد ماوصلو 
علي : بقولك ايه هروح اشوف دكتورصحبي هنا عيش انت بقي 
محمد : تمام هروح انا اطلب قهوه لان دماغى تقيله ومشربتش النهارده 
فى نفس المكان 
تقي : حلا 
حلا : تقي عامله ايه 
تقي : الحمدلله انتى عامله ايه وحشاني 
حلا : الحمدلله انا تمام 
تقي : فاكره احمد زميلنا 
حلا : اه مالو مش ده اللى عمال يعاكس فى البنات اللى رايحه واللى جايه 
تقي : محدش بيفضل على حاله يا حلا
حلا : ده بالذات معتقدش 
تقي : اهو جاي علينا اسكتي 
حلا : ياساتر يارب جاي ليه ده 
احمد : ايه ياحلا عامله ايه 
حلا : ...........
تقي : كويسة الحمدلله 
احمد : ايه هي مبتردش ليه 
حلا : نعم عاوز ايه 
احمد : ايه ده الجميل مضايق ليه 
حلا : تقي انا ماشيه 
محمد بالصدفه يشوف حلا من بعيد 
احمد مسك ايد حلا ووقفها
احمد : استني بس 
حلا : انت عبيط سيب ايدي
احمد : حلا انتى بتاعتي انا ومش هسيبك 
حلا تشد ايدها جامد وتزعق : انت لو ممشتش من هنا دلوقتي هندهلك الامن 
محمد يتدخل فى حاجه ولا ايه انت مالك بيها ياض 
احمد : انت مالك انت ابعد من هنا ياحبيبي 
محمد : انا ابن خالتها ولو كلمتها تاني هقل منك 
احمد : تقل مني ؟
احمد : قريبك ده ياحلا 
حلا تسكت 
احمد يمسكه من هدومه : مش قولتلك مالكش دعوه بيها 
الامن يتدخل ويشيلهم عن بعض 
حلا : انت مالك بيا وبتتدخل فـ اللى مالكش فيه ليه 
محمد : تمام انا اسف ياحلا 
مشي محمد وحلا مستغربه ازاى اتكلمت معاه كده 
راح محمد على الكافيتريا وشافته حلا من بعيد فقالت ان لازم تعتذرله
محمد خد باله منها وعمل ان مش شايفها جت حاله ووقفت قدامه وساكته مش عارفه تقول ايه 
محمد : فى حاجه ياحلا 
حلا : انا اسفه ماكنش ينفع اكلمك كده 
محمد : لا ولا يهمك مفيش حاجه 
حلا : مش زعلان لا 
محمد : عاوزاني مزعلش بجد اتفضلي اقعدي واشربي معايه حاجه 
حلا : هو عشان جيت واعتذرتلك هتخليني اقعد معاك 
محمد : يابنت المجنونه اقعدي قوليلي مين اللى بيضايقك ده وبيضايقك ليه 
حلا : مين دي اللى بنت مجنونه ياض 
محمد : ياساتر عليكي اقعدي ياحلا 
حلا : اهو قعدت 
محمد : قوليلي بقي مين ده وبيضايقك ليه 
حلا : ده واحد كل مايشوفني يجي يكلمني ويقولي انتى بتاعتي 
محمد : وانتى مبتحبوش صح 
حلا : اكيد لا يعني ماكنتش زعقت معاه 
محمد : تمام لو ضايقك او كلمك تاني قوليلي 
حلا : متقلقش ميقدرش يكلمني تاني 
محمد : نص ثقتك دي 
حلا ضحكت ضحكه جميله 
محمد : ايه ده انتى بتضحكي اهو وضحكتك حلوه كمان 
حلا : افندم هو انا المفروض مضحكش 
محمد : طب وضحكتك حلوه دي عادي 
حلا بكسوف وقامت انا المفروض امشي بقي لاني اتاخرت 
محمد : طب تحبي اوصلك 
حلا : لا ياحبيبي مش للدرجادي 
محمد : حلوه اوي حبيبي منك 
حلا : صبرني يارب 
علي فجاه يدخل 
علي : ايه ده انا جيت فى وقت مش مناسب ولا ايه
حلا في سرها مين ده كمان 
محمد : لا دي مش غريبه دي حلا بنت عم صالح اللى معانا فى الشغل 
علي : ازيك ياحلا عامله ايه
حلا : الحمدلله ايه 
علي : ايه مش هنمشي ولا ايه 
محمد : اه يلا عاوزه حاجه ياحلا 
حلا : شكرآ سلام 
محمد : سلام
 وبعد ماكله وصل البيت 
علي : هاا قولي ايه بقي حكايه حلا 
محمد : حكايته فى ايه 
على : ياض انا محدش يعرفك قدي ده انت طول ماانت واقف ماشلتش عينك من عليها
محمد : ايه ده هو واضح اوي كده 
علي : بتحبها ولا ايه
محمد : بصراحه كده شكلي حبيتها 
على : كبرنا اهو وبقينا نحب 
محمد : انا اللى فى دوري متجوز ياعلي 
علي : طب يلا شد حيلك كده وقولي انت ناوي على ايه 
محمد : ناوي اعترفلها 
علي : هي لسه متعرفش 
محمد : اه انا ناوي اعترفلها بس مش عارف بتحبني ولا لا 
علي : طب شوف هتعمل ايه وقولي 
محمد : تمام 
.....
عند حلا 
عم صالح : ايه بتفكري فى ايه 
حلا : ....
عم صالح : حلاا 
حلا : نعم يابابا معاك 
عم صالح : لا انتى مش معايه خالص قوليلي بقي ومتخبيش عليا هاا متفقناش على كده
حلا : هحكيلك انا قابلت بالصدفه محمد فى الجامعه 
عم صالح : محمد محمد مين ؟
حلا : اللى معاك فى الشغل 
عم صالح : استاذ محمد 
حلا : اه هو ده 
عم صالح : لا انتى تحكيلي بقي فى ايه 
حلا : انا كنت فى الجامعه مع صحبتي وحد جيه ضايقني فـ  هو اتدخل ودافع عني فـ انا هزقته وكسفته وحسيت بالذنب وروحت اعتذرله وقالي ان لو كلمني تاني اقوله ومحدش هيضايقني وبصراحه كده يابابا انا حبيته 
عم صالح : احنا فين وهما فين يابنتي وتفتكري هو بيحبك  
حلا : معرفش بس انا بحبه 
عم صالح : انسيه يابنتي احنا فى عالم وهو فى عالم تاني 
حلا بزعل : حاضر يابابا 
....
عند محمد ....  تليفونه بيرن 
محمد : مين اللى بيتصل دلوقتي ده 
محمد : الوو 
ساره : محمد ازيك عامل ايه طمني عليك 
محمد : الحمدلله ياساره فى حاجه ولا ايه الساعه 12
ساره : لا بس قولت اتطمن عليك وعاوزه اقولك علي حاجه من زمان ومقدرتش استني اكتر من كده 
محمد : حاجه ايه يااساره والحاجه دي متستناش لبكره 
ساره : لا مش هقدر استحمل اكتر من كده بصراحه كده انا بحبك
محمد : بتحبيني بتهزري ياساره صح 
ساره : .....
محمد : بتتكلمي جد ولا بتهزري 
ساره بزعل : بتكلم جد 
محمد : بس انتى زي اختي ياساره وانا بصراحه كده بحب حد تاني 
ساره تعيط ومتقدرش تتكلم فتقفل السكه وتقفل التليفون 
محمد يحسب بالذنب تجاه ساره وميعرفش يعمل ايه

يعدي اليوم فى الشغل محمد يشوف ساره 
محمد : ساره 
ساره : ايوه يامحمد فى حاجه 
محمد : مش عاوزك تزعلي مني 
ساره تسكت ومتقدرش تمسك مشاعرها فتعيط وتمشي فتخبط فى كريم 
كريم : ساره مالك بتعيطي ليه 
ساره : تبص لمحمد وتمشي 
كريم بعصبيه : اخره حبها ليك تخليها تعيط 
محمد : ياكريم هو الحب بالعافيه وانا بحب حد تاني 
كريم من جواه فرح ان مبيحبهاش عشان كريم بيحبها 
محمد : كلمها انت ياكريم وفهمها انا عارف انك بتحبها 
كريم : ايه ده هو باين عليا اوي كده 
محمد : يابني انت مدلوق عليها روح شوفها 
كريم : تمام هروح اشوفها ونبقي نشوف موضوع مدلوق ده بعدين 
 
كريم : ساره 
كريم يمسح دموعها ويقولها متعيطيش تستاهلي حد احسن بكتير وانا جنبك اهو مش عاوزك تعيطي 
ساره : شكرآ ياكريم انا بقيت كويسة بس لو سمحت مش محتاجه شفقه من حد 
كريم : بس ياساره انا مش بشفق عليكي انا بحبك ومش حابب اشوفك كده 
ساره : بتحبني 
كريم : اه بحبك وبحبك من زمان بقي مع اني عارف انك بتحبي محمد وكان دمي بيتحرق بس هعمل ايه بقي 
ساره : انا مش عارفه بجد اقولك ايه انت كبرت فى نظري اوي 
كريم : متقوليش حاجه المهم متعيطيش كده وانا جنبك اهو 
ساره : حاضر 

يعدي اليوم ويقرر محمد يروح الجامعه يعترف لـ حلا بحبه
ويفضل مستنيها تطلع من المحاضره واول ماتطلع 
محمد : حلا حلا 
حلا : نعم يامحمد 
محمد : فى حاجه ولا ايه مبترديش ليه 
حلا : لا مفيش حاجه 
محمد : طب انا عاوز اقولك حاجه
حلا : اتفضل قول 
محمد : طب هنتكلم هنا تعالي نقعد طب 
حلا : تمام 

محمد : حلا 
حلا : هتقعد تقول حلا كتير 
محمد : انا مش عارف ابدأ منين بس بصراحه ياحلا انا بحبك
حلا بـ ابتسامه : بتحبني :)
محمد : اه بحبك وعاوز اتقدملك 
حلا تفتكر كلام ابوها وان مينفعوش لبعض وان هي فى عالم وهو فى عالم تاني 
حلا : بس ازاى انت فى عالم وانا فى عالم تاني خالص انت استاذ محمد المحاسب فى الشركه اللى شغال فيها ابويا وانا مش من مستواك
محمد : حلا انا مش فارق معايه كل ده انا اللى فارق معايه بس تقوليلي بتحبيني ولا لا 
حلا  تتكسف وتسكت 
محمد : هاا طب ايه كده بتحبيني ولا ايه 
حلا تضحك بكسوف : اه 
محمد : اه ايه 
حلا : اه بحبك 
محمد : قوليها تاني كده 
حلا بكسوف : اقول ايه خلاص 
محمد يضحك 
محمد : انا هكلم عم صالح النهارده واقوله ان عاوز اتقدملك 
حلا : بس 
محمد : مفيش بس خلاص مادام بنحب بعض مفيش حاجه هتبعدنا 
حلا تبتسم وتسكت 

اليوم التالي فى الشغل 
محمد : عم صالح 
عم صالح : اتفضل يابني معاك
محمد : عاوز اتكلم معاك فى موضوع مهم 
عم صالح : اتفضل يابني انا معاك 
محمد : لا مش هينفع هنا هاجي اشوفك فى البيت بكره ان شاء الله
عم صالح : تشرفني يااستاذ محمد 
محمد : بلاش استاذ دي مش بتقولي ابني قولي ياابني 
عم صالح : حاضر ياابني 
 
محمد خلص شغله وروح كلم علي وقاله راح هو وعلي لبيت عم صالح 
عم صالح : اتفضل ياابني , استاذ علي اتفضل 
علي : يزيد فضلك